Aldaǵy úsh kúnde respýblıkanyń ońtústigi men ońtústik-shyǵysynda túnde 1-3 gradýs aıaz kútiledi, dep habarlaıdy Egemen.kz «Qazgıdromet» RMK baspasóz qyzmetine silteme jasap.
Qazaqstannyń soltústik-batysynda, soltústiginde, shyǵysynda, ortalyqta, sondaı-aq ońtústik-shyǵys oblystardyń taýly aımaqtarynda frontaldy bólikterdiń áserinen jańbyr men qar túrindegi jaýyn-shashyn kútiledi.
16 qazanda Shyǵys Qazaqstan oblysynda qatty jaýyn-shashyn bolady.
Respýblıkanyń batysynda jáne ońtústiginde joǵary atmosferalyq qysym órisiniń áserinen aýa raıy jaýyn-shashynsyz bolady dep kútiledi. Qazaqstanda tuman túsip, jel kúsheıedi.
Respýblıkanyń basym bóliginde kúndiz aýa raıy 10-20 gradýsqa deıin jyly bolady.