Almatydaǵy Memlekettik ortalyq mýzeıde Belarýstyń Plan B jáne FARBA galereıalarymen birlesip «Jasandy ıntellekt: sýretshi nemese mashına?» atty kórme esik ashty. Zamanaýı ınnovasııalyq kórme jańa múmkindikter dáýiriniń ozyq jemisi dersiz.
Kórermen nazaryna usynylǵan jumystardyń barlyǵy – jasandy ıntellekt týyndylary. О́nersúıer qaýym tabıǵat, mıfologııa, tarıh, arhıtektýra jáne taǵy da basqa ómirlik máni bar salalardy qamtıtyn 10 túrli sanatqa bólingen 120-dan asa sýretti tamashalaı alady.
Jasandy ıntellekt – mashınalardy adamsha oılaýǵa úıretetin kompıýterlik tehnologııa. Ony qoldanýǵa bolatyn salalardyń sany sheksiz. Kórmedegi jumystardyń basym bóligi jasandy ıntellektiniń Qazaqstandy sýretteýine arnalǵan. Kórmeniń ashylýyna kelgender elimizdiń tabıǵaty, arhıtektýrasy men mol dastarqany týraly neırojúıe salǵan sýretterdi tamashalady. Árbir bóligine deıin anyq kórinetin minsiz sýretter toptamasy tehnologııaǵa jaqyn jandarǵa aıryqsha áser syılaıdy.
Kórme uıymdastyrýshylary mańyzdy jobalardy tanystyra otyryp, kórermenge Qazaqstandaǵy neırojúıe týyndylarynyń tuńǵysh ekspozısııasyn birinshi bolyp usynýdy kózdegen. «Atalǵan óner jármeńkesi týyndylardy jańasha jasaý ádisterin zertteýge beıimdeıdi. Muny shyǵarmashylyq pen jasampazdyqtyń jańa baǵyty dep tanyǵanymyz durys shyǵar. Kórmeniń basty jobasy – osy is-shara úshin arnaıy jasalǵan «Sıfrlyq evolıýsııa» atty ımmersıvti fılm», deıdi Memlekettik ortalyq mýzeı dırektory Rashıda Harıpova.
Atalǵan týyndyda ıdeıalar álemi men materııa álemine, damý men evolıýsııaǵa degen jańa kózqaras týraly oı qozǵalady. Mýltımedıalyq zaldyń qabyrǵasy men edenderinde kórsetiletin fılm arqyly aınaladaǵy túrli qubylystardy jan dúnıeńizben sezinesiz. Sondaı-aq kórme ekspozısııasynyń negizgi bóligin tolyqtyrǵan otandyq avtorlardyń qoltańbasy kórermendi beıjaı qaldyrmaıdy.
– Kórmede qazaq ertegileri, epostar men mıfologııa keıipkerleri erekshe baǵytta salynǵan. Buǵan deıin jobamyz Belarýstyń birneshe qalasynda tabysty ótip, kórermender jyly qabyldady. Biz tańdaýdy talǵampaz kórermenniń óz enshisine qaldyryp otyrmyz. Joba kórermenge sýretshi álde mashına degen saýaldy qoıady. Jasandy ıntellektiniń arǵy jaǵynda adamnyń aqyl oıy jatqanyn umytpaýymyz kerek. Iаǵnı ony adam jasaǵan. Ol neǵurlym aqyldy bolsa, neırondyq jeliniń nátıjesi soǵurlym jaqsy bolady, – deıdi uıymdastyrýshy Janar Korotkova.
Kórmeniń taǵy bir ereksheligi ondaǵy taqyryptyq kvestter men arnaıy uıymdastyrylǵan fotoaımaq túrli formatta sýretke túsýge múmkindik syılaıdy. Biregeı joba qarasha aıynyń sońyna deıin jalǵaspaq.
ALMATY