Aıtty-aıtpady, Shyǵys Qazaqstannyń qurylys salasynda sapa joq. Ásirese ártúrli memlekettik baǵdarlamalar aıasynda boı kótergen turǵyn úılerdiń qabyrǵalary qaqyrap, tóbelerinen sý ketedi de jatady. Kúni keshe ǵana Zaısan qalasyndaǵy kópbalaly otbasylarǵa berilgen birneshe úıdiń tóbesinen sý aǵyp, turǵyndardyń mazasyn qashyrǵan.
Zaısandaǵy sapasy syn kótermeı turǵan bul úıler osydan úsh jyl buryn «Nurly jer» baǵdarlamasy aıasynda berilgen edi. Jańa nysandardy sáýlet, qurylys, turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimi mamandary men sol kezdegi aýdan ákimi qabyldap alyp, basym bóligin kópbalaly otbasylarǵa úlestiripti. Árıne, jaıly, jaryq úıge qol jetkizgenderine bári balasha qýanǵan. Ol úshin memleketke aıtyp otyrǵan alǵystary da sheksiz. Deı turǵanmen, tóbelerinen sorǵalap turǵan sýdy, kógergen qabyrǵany aıtpasqa bolmaıdy desedi. О́zderi jóndep alaıyq dese, úıdi basybaıly menshikke bermegen. Aıyna 18 myń teńge tólep, jaldap turady.
Máseleniń mán-jaıyna kóz jetkizeıik dep, sapasyz degen úılerdi arnaıy qurylǵan komıssııamen aralap shyqtyq. Komıssııa quramynda aýdan ákiminiń orynbasary Rıshat Ramazanov, Sáýlet, qurylys, turǵyn úı-kommýnaldyq sharýashylyǵy, jolaýshy kóligi jáne avtomobıl joldary bóliminiń basshysy Danııar Serikov jáne BAQ ókilderi boldy. Biz kirgen on-on bir úıdiń rasymen de sapasyz salynǵany kózge uryp tur. Qabyrǵalary syz tartqan, tereze jaqtaýlary kógergen. Turǵyndardyń aıtýynsha, úıdiń tóbesine armatýra temir salyp, aınaldyra betondaý jumystary júrgizilmegen. Iаǵnı seısmıkalyq turǵydan qaýipti bolýy múmkin. Qabyrǵasy «penopleks» syndy arnaıy qurylys materıaldarymen qaptalmaǵan. Tóbesine de jup-juqa etip shyny maqta jaıa salǵan. «Qystyń kúni úıdiń ishindegi jylý tóbesinen shyǵyp ketedi», deıdi turǵyndar. Al kópbalaly otbasylardyń dál qazirgi ýaqyttaǵy máselesi – kúzdiń silbi jaýyny berekelerin qashyrǵan. Qaı úıge kirsek te, ortada ortan belinen sý toly shelek tur. Tipti Ásemgúl Emelbaeva esimdi ananyń kishkentaı balasy shelekke jınalǵan sýǵa qolyn salyp oınaımyn dep, toq soǵypty. Qudaı saqtap, aman qalǵan. Biraq erteńgi kúni oqys jaǵdaı bolmasyna kim kepil?!
«Osydan úsh jyl buryn kópbalaly analarǵa úı berilip, qýanyshymyz qoınymyzǵa syımady. Máz-meıram boldyq. О́kinishtisi, qýanysh uzaqqa sozylmady. Nátıjesi osy, kórip tursyzdar, – dep kógergen qabyrǵalardy, sý tamǵan tóbeni nusqady Armangúl Sábıtova. – Úıdiń ishi ylǵal. Sapa joq. О́zim sapasyz tustaryn jóndep alǵan boldym. Al jóndeı almaı otyrǵan otbasylar qaıtpek?! Tóbedegi shyny maqta 5-10 santımetr ǵana. Kúnge keýip qum bolyp qalǵan. Shyǵys Qazaqstannyń aıazyna mundaı úıler jaramaıdy. Bul úılerdi kezinde qurylys bólimi, sol kezdegi ákim Serik Zaınýldın qabyldap alǵan».
Al qurylysty júrgizgen merdiger kompanııalar aqaýdy qar túskenge deıin qalpyna keltiremiz dep sendirgen.
«Zaısan aýdanynda «Nurly jer» baǵdarlamasymen 168 páter salynǵan. Sonyń ishinde 11 úıden aqaý shyqty. Komıssııamen baryp, óz kózimizben kórdik. Anyqtadyq. Endi qurylys júrgizgen merdigerlerge aqaýdy qalpyna keltirý kerektigin aıtyp túsindirdik. Olar bas tartyp otyrǵan joq. Eger kórsetken merzim ishinde jóndelmese, sotqa júginetin bolamyz, – deıdi Sáýlet, qurylys, turǵyn úı-kommýnaldyq sharýashylyǵy, jolaýshy kóligi jáne avtomobıl joldary bóliminiń basshysy Danııar Serikov.
Máseleniń sheshilýin ýaqyt kórsetedi. О́ıtkeni dál osy túıtkildi aıtyp, kópbalaly analar qystygúni de másele kótergen edi. Resmı organdar taǵy da joǵarydaǵydaı aıtyp qutylǵan edi. Bul joly da kópbalaly analar jóndeý jumystarynyń qys túskenshe aıaqtalaryna senim bildirip otyr. Senbeı qaıtedi, basqa amaldary joq. Olar eń quryǵanda jańa úılerdiń jyrtyǵyn jamap berse dep otyr.
Shyǵys Qazaqstan oblysy,
Zaısan aýdany