Shymkenttiń bolashaqqa arnalǵan bas jospary

Elimizdiń iri ónerkásip, saýda jáne mádenı ortalyqtarynyń birin keshendi damytý aıasynda turǵyn úı qury­lysynyń kólemi ulǵaıady, jańa óndiris aımaqtary, aınalma temirjol tarmaǵy jáne ótkizý qabileti táýligine 20 myń jolaýshy bolatyn vokzal ashylmaq. Sondaı-aq megapolısti jappaı kógaldandyrý josparlanǵan.

О́nimdilikti arttyryp, otandyq ónimniń básekege qabilettiligi men sapasyn jaqsartýdy, otandyq taýar­l­ardy shetel naryqtaryna shyǵa­rý­dy qoldaýdy, qoldanystaǵy mem­le­­ket­tik jáne óńirlik baǵdarla­malar­dy is­ke asyrý aıasynda tıisti ınfra­­qu­ry­lymdy damytýdy qamta­masyz etetin tıimdi ónerkásip, ınfra­qury­lymdyq, ınvestısııalyq jáne saýda saıa­satyn júrgizý arqyly qala eko­no­mı­kasynyń salalaryn damytý jalǵas­paq.

О́nerkásip aýmaqtaryn jańǵyrtý máselelerine kóp kóńil bólinedi. Olardyń aýmaǵyn 2035 jylǵa deıin jańa ındýstrııalyq aımaqtardy salý esebinen 5 myń gektarǵa ulǵaıtý jos­parlanyp otyr. Onda perspektıvaly 14 ónerkásip klasteri damıtyn bolady.          

Qabyldanǵan sharalardyń nátı­jesinde 2035 jylǵa qaraı qalanyń áleýmettik-ekonomıkalyq salalarynda 1 mln-nan astam jumys orny qurylady dep kútilip otyr.

Qala shekarasy qazirgi aýmaǵynda qalady, alaıda turǵyndar qaladaǵy tynys-tirshilik úshin qolaısyzdaý aýmaqtardan qalanyń ekologııalyq jaǵynan neǵurlym ornyqty jáne abat­tandyrylǵan aýdandaryna kóshi­rilmek. Aýmaqtyń úshten birinen astamynda turǵyn úı jáne qoǵamdyq nysandar boı kótermek.

Sonymen qatar ekologııalyq táýekel aımaqtary joıylady. Badam, Qoshqarata, Qarasý jáne Saı­ram­­sý ózenderiniń sý qorǵaý beldeý­leri men aımaqtarynyń jobalaryn ázirlenedi.

Turǵyndarǵa aqparattyq-kommý­nı­­ka­sııalyq qyzmetterdiń keń spek­t­rin usynýǵa múmkindik bere­tin «Next Generation Network» tehnolo­gııa­syn paıdalana otyryp, telekom­mýnı­k­a­sııa­lyq jelilerdi keńeıtý jáne jańǵyrtý máseleleri jeke qaralmaq.

Sondaı-aq sý qubyrynyń qol­danys­taǵy aımaqtyq júıesiniń ónim­diligin arttyrý, tynys-tirshilik etý or­tasynyń jaılylyǵyn jaq­sartý josparlanǵan.