Ázerbaıjannyń Shýsha qalasynda TÚRKSOI-dyń Turaqty keńesiniń 40-otyrysy ótti. Otyrysqa TÚRKSOI Bas hatshysy Sultan Raev, uıymǵa múshe memleketterdiń ókilderi qatysty.
Is-sharaǵa elimizdiń Mádenıet jáne aqparat mınıstrligi atynan Mádenıet komıtetiniń tóraǵasy qatysty.
Keńestiń qorytyndylary boıynsha Shýsha deklarasııasyna qol qoıyldy. Qujatta uıymnyń negizgi damý baǵyttary aıqyndalǵan. Sondaı-aq 2025 jylǵy Túrki áleminiń Mádenı astanasy bolyp Aqtaý qalasy bekitildi. Buǵan qosa, TÚRKSOI-dyń ataýly jyldary aıasynda 2025 jyl – kompozıtor, dırıjer, Halyq Qaharmany Nurǵısa Tilendıev jyly bolyp jarııalandy.
Aıta keteıik, kelesi jyly ańyz-tulǵanyń ǵasyrlyq mereıtoıy atap ótiledi.