Kópshilikke tanymal «Kelinjan-2» komedııasy 19 qazannan bastap kınoteatrlardan kórsetile bastaıdy. Prodıýser Gúlnur Mamasarıpovanyń aıtýynsha, ssenarııde qyzyqty oqıǵalar kóp, tipti aldyńǵy túsirilgen birinshi fılmnen de erekshe shyqqan.
Atalǵan serıal 2018 jyldan bastap «Habar» arnasynan kórsetile bastaǵan bolatyn. Búginde 126 serııasy kórermenge jol tartty.
«Kelinjan» tek qana arzan kúlki emes, aıtary bar dúnıe boldy. Qashannan eń basty qundylyq – otbasy bolyp sanalǵan. Bul joly da sol otbasyna basymdyq berildi. Bıylǵy «Kelinjan-2» Aısaranyń enshisine tıipti. Basty keıipker Aısara deýge turarlyq. Negizi olaı bolǵanyn montajdaǵan kezde bir-aq kórdik», deıdi bas prodıýser.
«Habar» telearnasynyń dırektory Jaına Slambekqyzy serıaldyń bıyl besinshi maýsymyn kórsetkenin atap ótti.
«Osynyń ózi bul serıaldyń deńgeıin dáleldedi. Meniń bilýimshe, otandyq teleserıal naryǵynda 5 maýsym boıy túsirilgen serıal joq. «Kelinjan-2» de serıaldyń jalǵasy nemese jaqsy kesindilerin jınaǵan jıyntyq dúnıe emes. Kádimgideı tolyqqandy fılm», dedi telearna dırektory.