Kógildir otynǵa suranys

Halyqtyń jer úıine gaz tartýy úshin paıyzsyz nesıe beriledi. Budan bó­lek, əleý­met­tiń əljýaz tobyn­daǵy qaýymǵa bir rettik əleý­mettik kómek jáne bar. Muny Qa­ra­ǵandy qalasynyń bıýd­je­­tinen kórsetedi. Qu­zyr­ly oryn­dardyń aıtýynsha, Qara­ǵandy tórt ke­zeń arqyly tolyq gazben qamtylady degen o basta bekitilgen jospar bar. Bul tórt kezeńde 16 qosý kesheni bar. 2021 jyldan beri birinshi jəne ekinshi qosý beketi tolyq aıaqtalypty. Birinshi beket arqyly Qara­ǵan­dynyń 66 kóshesine gaz jetti. Onda 1 695 úı bar. Ekinshi bekette 55 kóshe. Mun­daǵy úı sany – 2471.

«Qazirgi tańda Qaraǵandy boıynsha – 2 myń, al Temir­taý­da 2 200 úı gaz je­lisine qosylǵan. Gazdyń tekshe metri – 40 teńge. Aldaǵy ýaqytta bul baǵa qym­battamaýǵa tıis. Joba aýys­paly bolǵandyqtan, 2035 jylǵa deıin josparlanyp otyr», deıdi energetıka jáne tur­ǵyn úı-kommýnaldyq sharýa­shy­lyq basqarmasy basshysy oryn­basarynyń mindetin atqa­rý­shy Arman Sattybaev.

«Gazǵa qosylý, ne qosyl­maý – turǵyndardyń erkin­de. Biz – syrtqy gaz qu­byr­­laryna jaýaptymyz. Kó­she­niń boıymen gazdy úıge deıin jetkizýge ketetin shy­ǵyn­dy úı ıesi tóleıdi. Gaz jetkizýdi rásimdeý úshin «Tur­ǵyn úıdi jańǵyrtý or­ta­lyǵy» arqyly 5 jylǵa paıyzsyz nesıe beriledi. О́tinish bergennen keıin «QazTransGaz Aımaq» AQ-dan tehnıkalyq sharttar alady. Kelisim merdigerdi tańdap, úshjaqty shart jasasý arqyly júredi», deıdi «QazTransGaz Aımaq» AQ Qaraǵandy óńirlik fılıa­ly dı­rektorynyń birinshi oryn­basary Asfat Oljabaev.

Saran tasjolynyń bo­ıyn­daǵy kóshe turǵyny Qaırat Mamaev gazdy shil­de­de qosyp alǵan. Paıyzsyz nesıeniń kóme­gimen.

«Gazǵa qosylǵanymyz bar ja­ǵynan yńǵaıly. Avtomat­tan­dyrylǵan ba­qy­laý júıesi en­gizilgen. Mo­nıtordaǵy kór­set­kish­ter­di onlaın ba­qy­laý­ǵa bolady. Belgili bir jyly­tatyn mólsherin tańdap, kete beresiń. Qazir úıimizdegi jylý mólsheri 25-28 gradýsty kórsetip tur. Keıde ysyp ketedi. Kómir jaq­qanda ony tasyp jáne kúlin tó­gip qınalatynbyz. Onyń ústi­ne kómirdiń shyǵyny kóp, baǵasy qymbat», deıdi Q.Mamaev.

Qaraǵandyny gazdan­dy­rýdyń birinshi kezeńi 2019-2023 jyl­darǵa jospar­lan­ǵan. Bul kezeńde Saran tasjolynyń boıyn­daǵy kó­shelerden bastap, Krı­vogýz, Qazaqstan, S.Seıfýl­lın, Badın kóshelerine gaz qubyr­lary tartyldy. Son­daı-aq gaz temirjol jelisi bo­ıyndaǵy kóshelermen Buqar jyraý dańǵylynyń boıy­na, odan keıin jańa qa­la­nyń ishki kvartaldaryna, Fedorovka men Úlken Mıhaılovka atanǵan shaǵyn aýdandaryndaǵy turǵyn úılerge jetti.

Al bıyl qalanyń Oń­tústik-Shyǵys bóli­gin­degi jeke sektor­daǵy úılerge, sondaı-aq Kúngeı shaǵyn ­aýdanyna gaz jetedi. Ekin­shi kezeńde tórt iske qosý ke­shenin salý josparla­nyp otyr. Bul kezeńde qala­nyń Jańaózen aýy­ly, Qara­ǵandynyń Fın, Prıshahtınsk, Eski Tı­ho­novka bólikteri gazben qam­tyl­maq. Úshinshi kezeń­degi eki iske qosý kesheni 2024-2025 jyldarǵa jos­par­lanǵan. Ol kezeńde Kýr­ıanovskıı aýylynan bastap, Maıqudyqtyń 19 shaǵyn aýdany qamtylmaq. Ekinshi iske qosý kesheni Maıqudyqtyń Berlın, Saha­lın, Shahterler shaǵyn aýdan­daryna gaz jetkizedi. Keıingi kezeńde Sement zaýyty, Suryptaý stansalaryna kógildir otyn barady.

Atap aıta ketý kerek, jergi­lik­ti bılik, ıaǵnı Qara­ǵan­dy qalasy əkimdigi tarapynan tur­ǵyn­dardyń jekelegen sanat­taryna úılerin gazdandyrýǵa bir­jolǵy əleý­met­tik kómek kórsetiledi. Mun­daı əleýmettik kómek jasy boıynsha zeınet­ker­lerge, múgedektigi bar adam­dar jəne múgedek balalary bar, olardy tərbıelep otyr­ǵan otbasylarǵa, kópbalaly analar men kópbalaly otba­­sylarǵa, basqa memleketter aýma­ǵynda jaýyn­ger­lik əreketterge qatysqan ardagerlerge, jetim bala­lar men ata-anasynyń qam­qorlyǵynsyz qalǵan, gaz­dan­dyrýǵa jatatyn jeke úılerde turatyn bala­lardyń qamqorshylaryna jasalady. Əleýmettik kómektiń kólemi gaz jabdyǵyn jetkizýge jəne ornatýǵa baılanysty naq­ty shyǵyndarǵa súıenip, anyq­talady.

Byltyr 8 mln teńgeden asa somaǵa 28 otbasyna kó­mek­tes­se, bul jarty­jyl­dyq­ta 35 otbasy alǵan. Oǵan 12 mln teń­ge­den asa qarajat jum­sa­lypty. Əleýmettik kómek alý úshin Qaraǵandy qala­synyń jumyspen qamtý jəne əleý­mettik baǵdar­la­malar bólimine ótinish tastaýǵa tıis.

Qaraǵandy oblysy