Prezıdent Ákimshiligi jáne qalalyq máslıhat depýtattarynyń kelisimi boıynsha bul qyzmetke Talǵat Rahmanberdi taǵaıyndaldy, dep habarlaıdy Egemen.kz qala ákimdiginiń baspasóz qyzmetine silteme jasap.
Ol eńbek jolyn 2004 jyly «Jambyl oblysynyń stýdentter men jastar odaǵy» jastar qoǵamdyq birlestiginen bastaǵan (Taraz q.). Ár jyldary «Astana qalasynyń stýdenttik qurylys jáne jastar eńbek jasaqtarynyń shtaby» qoǵamdyq birlestigin basqardy, QR Bas prokýratýra ınstıtýtynyń (Astana q.) qylmystyq prosestiń jáne jedel-izdestirý qyzmetiniń zańdylyǵyn qadaǵalaý boıynsha biliktilikti arttyrý bóliminde aǵa prokýror, «Astana qalasynyń jastar saıasaty máseleleri basqarmasy» MM basshysy qyzmetterin atqardy.
2016 jyldyń sáýirinen 2019 jylǵy naýryzǵa deıin Astana qalasy Saryarqa aýdany ákiminiń orynbasary, 2019 jylǵy sáýirden bastap «Astana qalasy ákiminiń apparaty» MM basshysynyń orynbasary bolyp jumys istedi.
Sońǵy jyldary «Astana qalasynyń qoǵamdyq damý basqarmasy» MM, «Astana qalasynyń Ishki saıasat basqarmasy» MM basshysy, qala ákiminiń keńesshisi bolyp jumys istedi.