Fýtboldan Qazaqstan ulttyq quramasynyń qorǵaýshysy Nuraly Álip qarsylastarynan dopty tartyp alý statıstıkasy boıynsha Eýropadaǵy eń úzdik úsh qorǵaýshynyń qatarynan tabyldy.
Eýropa fýtbol qaýymdastyǵy odaǵy (ÝEFA) usynǵan málimet boıynsha, otandasymyz Eýro-2024 irikteý kezeńinde ótkizgen jeti kezdesýde qarsylas komandanyń fýtbolshysynan 54 márte dopty tartyp alyp, eń úzdik qorǵaýshylar tiziminde úshinshi satyǵa ornalasqan. Úzdikter kóshin fınlıandııalyq Robert Ivanov (67) pen norvegııalyq Leo Ostıgor (55) bastap tur.
Reıtıngtiń tórtinshi jáne besinshi satylaryna «Manchester Sıtıdiń» shveısarııalyq qorǵaýshylary Manýel Akandjı (50) men portýgalııalyq Rýben Dıash (46) jaıǵasqan. Sondaı-aq Nuraly «SofaScore» saraptama portalynyń deregi boıynsha ulttyq qurama oıynshylarynyń ishinde eń joǵary upaıǵa ıe boldy – 7,10.