Jyl basynan beri elimizde 65 myńnan asa tabıǵı jáne tehnogendik sıpattaǵy tótenshe jaǵdaı tirkelip, Tótenshe jaǵdaılar mınıstrligine qarasty qutqarý bólimsheleriniń mamandary 9,5 myńnan asa adamdy ajaldan aman alyp qalǵan. Apat aımaǵynan 10 myńnan asa adamdy evakýasııalap, zardap shekken 4 myń adamǵa alǵashqy medısınalyq kómek kórsetilgen. Bul týraly Prezıdent janyndaǵy Ortalyq kommýnıkasııalar qyzmeti alańynda Tótenshe jaǵdaılar mınıstri Syrym Sháriphanov málimdedi.
«Bıyl azamattyq qorǵaý organdaryna 28 jylǵa tolyp otyr. 1995 jyly 19 qazanda Tótenshe jaǵdaılar jónindegi memlekettik komıteti eldiń tabıǵı jáne tehnogendik sıpattaǵy tótenshe jaǵdaılar jáne azamattyq qorǵanys salasyndaǵy ýákilettik berilgen ortalyq atqarýshy organ retinde qurylǵan edi. Osy ýaqyt aralyǵynda azamattyq qorǵaý júıesi aıtarlyqtaı ózgeristerge ushyrady. Ortalyq atqarýshy organdardyń qurylymyn jetildirý sheńberinde MKJS komıtet, agenttik, mınıstrlik boldy. Keıinnen IIM júıesinde boldy, odan ári 2020 jyly Prezıdenttiń tikeleı tapsyrmasymen derbes mınıstrlik retinde qaıta quryldy. Barlyq kezeńde tótenshe jaǵdaılardy joıý qyzmeti kásibı túrde damyp, qutqarý bólimshelerimen tolyqtyryldy», dedi S.Sháriphanov.
Sonymen qatar sala basshysy 1995-2023 jyldar aralyǵynda elimizde 1,5 mln-nan asa tótenshe jaǵdaı tirkelip, órt sóndirýshiler men qutqarýshylardyń kásibıligi men jedeldiginiń arqasynda 413 myńǵa jýyq adam qutqarylǵanyn aıtty. «Elimizdiń ár aımaǵynda tirkelgen tótenshe jaǵdaılarda bizdiń mamandar 380 myńǵa jýyq adamdy evakýasııalap, 70 myńnan asa zardap shekken adamǵa medısınalyq kómek kórsetti. О́kinishke qaraı, óz mindetin atqarý kezinde 69 qyzmetkerimiz qaza tapty».
Mınıstrdiń aıtýynsha, búginde azamattyq qorǵaý organdarynda 27 myńnan asa adam qyzmet etedi.
«Almaty oblysynyń Talǵar, Qarǵaly ózenderinde sý tasqynyna qarsy Kóksaraı (Syrdarııa ózeninde) jáne Astanada aǵyn sýǵa qarsy rettegishter men seldi ustap turatyn bógetter salyndy. Qazirgi tańda Aqsaı, Enısaı, Qorǵas ózenderinde 4 ınvestısııalyq joba iske asyrylyp jatyr. Bulardyń aıaqtalýy 2025 jylǵa josparlanǵan. Sondaı-aq bizdiń qutqarýshylarymyz Túrkııa men Aýǵanstandaǵy joıqyn jer silkinisiniń saldaryn joıýǵa qatysa otyryp, halyqaralyq deńgeıde óz kásibıligin dáleldedi. Qıyn ekstremaldy jaǵdaılarda jáne jerasty dúmpýleriniń jalǵasýyna qaramastan, qutqarýshylar úıindilerdi bólshektep, adamdardy evakýasııalaý jáne qutqarý, zardap shekken adamdarǵa medısınalyq kómek kórsetý jumystaryn júrgizdi», dedi spıker.
Resmı statıstıka boıynsha jyl saıyn elimizde orta eseppen 18 myńnan asa tabıǵı jáne tehnogendik sıpattaǵy tótenshe jaǵdaı, onyń ishinde 15 myń órt tirkeledi eken.