Májilis tóraǵasy Erlan Qoshanov kredıt alý azaımaıtyn bolsa, memleket tarapynan halyqtyń tabysyn kóterýge baǵyttalǵan sharalardyń nátıje berýi ekitalaı ekenin aıtty, dep habarlaıdy Egemen.kz.
«Kóptegen azamat óziniń qarjylyq quqyǵyn bile bermeıdi. Sonyń saldarynan qaıta-qaıta qaryzǵa urynyp jatady. Osynyń aldyn alý úshin «AMANAT» partııasy «Qaryzsyz qoǵam» jobasyn bastaǵan bolatyn. Bul baǵdarlama qysqa ýaqyttyń ishinde tıimdiligin kórsetti. Prezıdent te óz Joldaýynda «Qaryzsyz qoǵam» jobasyna erekshe toqtalyp, jalpyhalyqtyq baǵdarlamaǵa aınaldyrý kerektigin aıtty. Qazir bul joba Úkimetpen, quzyrly organdarmen jáne jergilikti ákimdiktermen birge búkil el boıynsha iske asyryla bastady. Búgingi tańda 52 000 adam oqytyldy», dedi Májilis tóraǵasy.
Budan soń Erlan Qoshanov jón-josyqsyz kredıt alý azaımaıtyn bolsa, memleket tarapynan halyqtyń tabysyn kóterýge baǵyttalǵan sharalardyń nátıje berýi ekitalaı ekenin aıtty.
«Eń bastysy bul ár azamatqa, ár otbasyna tikeleı qatysty ótkir másele. Sondyqtan biz bul problemany muqııat zerttep, ońtaıly sheshimin tabýymyz kerek», dedi ol.