Almatyda Respýblıka kúni qarsańynda jýrnalısterge arnalǵan túrik tiliniń tegin kýrstary bastaldy, dep habarlaıdy Egemen.kz.
Jobany Qoja Ahmet Iаsaýı atyndaǵy Halyqaralyq qazaq-túrik ýnıversıtetine qarasty Eýrazııa ǵylymı-zertteý ınstıtýty uıymdastyrdy. Túrik tilin úırený sabaqtarynyń saltanatty bastalýy Qazaqstan Respýblıkasy kúnine jáne Túrkııa respýblıkasynyń 100 jyldyǵyna oraılastyrylǵan.
Is-sharanyń ashylý saltanatyna Túrkııa Respýblıkasynyń Almaty qalasyndaǵy bas konsýly Eýren Múderrisoǵlý, Q.A. Iаsaýı atyndaǵy Halyqaralyq qazaq-túrik ýnıversıtetiniń О́kiletti keńes tóraǵasy, professor, doktor Muhıttın Shimshek, «Alatau Aqparat» medıaholdınginiń Bas dırektory Erjan Qalymbaıuly, Eýrazııalyq ǵylymı-zertteý ınstıtýtynyń dırektory, doktor Sýat Beılıýr, QR Ortalyq memlekettik arhıviniń dırektory, tarıh ǵylymdarynyń kandıdaty S.Q. Shildebaı, sondaı-aq BAQ ókilderi men mýzeı qyzmetkerleri qatysty.
Túrkııa Respýblıkasynyń Almaty qalasyndaǵy bas konsýly Eýren Múderrisoǵlý qatysýshylardy ulttyq mereke – Respýblıka kúnimen quttyqtady.
«Túrkııa - Qazaqstannyń táýelsizdigin alǵash bolyp moıyndaǵan memleket. Sodan beri memleketterimizdiń baýyrlastyq baılanystary nyǵaıyp keledi. Búgin túbi bir týys elder arasynda taǵy bir mańyzdy qadam jasaldy., Til – halyqtardy jaqyndastyrady, jaqyn tanyp, tereń túsinýge jol ashady», dedi bas konsýl.
Eýrazııalyq ǵylymı-zertteý ınstıtýtynyń dırektory Sýat Beılúr túrik tilin Túrkııadan Almatyǵa arnaıy kelgen oqytýshylar úıretetinin atap ótti. Onyń sózinshe, kýrsty «Alatau Aqparat» medıaholdınginiń 20 qyzmetkeri, sondaı-aq QR Ortalyq memlekettik arhıviniń qyzmetkerleri oqıdy.
О́z kezeginde «Alatau Aqparat» medıaholdınginiń Bas dırektory Erjan Qalymbaıuly túrik tilin úırený — 200 mıllıondaı halqy bar Túrki áleminiń qaqpasyn ashýǵa jaqsy múmkindik ekenin aıtty. Joba nátıjesinde jýrnalıster Túrkııa jáne túrkitildes elderdiń jetekshi BAQ-tarynda taǵylymdamadan ótip, atalǵan elderde ary qaraı bilimderin jetildire alady.
Aıta keteıik, mamyr aıynda «Alatau Aqparat»medıaholdıngi men Eýrazııalyq ǵylymı-zertteý ınstıtýty arasynda yntymaqtastyq týraly memorandýmǵa qol qoıylǵan edi.
Jýrnalısterdiń til oqýy atalǵan áriptestik qujaty sheńberinde júzege asyryldy. Túrik tiliniń tolyq kýrsy 6 deńgeıden turady. Bir deńgeı 80 akademııalyq saǵatqa eseptelgen. Kýrs aıaqtalǵannan keıin qatysýshylarǵa Qoja Ahmet Iаssaýı atyndaǵy Halyqaralyq qazaq-túrik ýnıversıteti lıngvıstıkalyq ortalyǵynyń arnaıy sertıfıkattary beriledi.