Qarqaralyda mas júrgizýshi jasóspirimdi qaǵyp, oqıǵa ornynan qashyp ketken, dep habarlaıdy Egemen.kz Polisia.kz saıtyna silteme jasap.
Oqıǵa saǵat 19:00 shamasynda Qarqaraly kósheleriniń birinde bolǵan. Bul týraly Qarqaraly aýdandyq ishki ister bólimine habarlanǵan. Jedel-tergeý toby oqıǵa ornyna baryp, mán-jaıdy anyqtaǵan. Belgili bolǵandaı, júrgizýshi jol erejesin buzyp, 17 jastaǵy jasóspirimdi qaǵyp, qashyp ketken.
Túrli aýyrlyqtaǵy jaraqat alǵan jábirlenýshi medısınalyq mekemege jatqyzyldy. Polıseıler apatqa kináli 40 jastaǵy azamatty ustady. Saraptama kórsetkendeı, er adamdar kólik tizginine otyrmaı turyp ishimdik ishken.
Atalǵan fakti boıynsha QR Qylmystyq kodeksiniń «Kólik quraldaryn mas kúıde basqarǵan adamdardyń jol júrisi nemese kólik quraldaryn paıdalaný erejelerin buzýy» jáne «Jol-kólik oqıǵasy bolǵan jerden qashyp ketý» baby boıynsha sotqa deıingi tergeý amaldary júrgizilip jatyr.