Dúnıejúzilik densaýlyq saqtaý uıymynyń basshysy Tedros Gebreıesýs Qazaqstanǵa kelip, Astana deklarasııasynyń bes jyldyǵyna jáne alǵashqy medısınalyq-sanıtarlyq kómek týraly Almaty deklarasııasynyń qabyldanǵanyna qyryq bes jyl tolýyna arnalǵan halyqaralyq konferensııaǵa qatysty, dep habarlaıdy Egemen.kz.
Qonaq alqaly jıynda sóılegen sózinde Qazaqstan Prezıdentin jaqyn tartyp, quda dep atady.
«Qurmetti quda, týysqan myrza! Qazaqstanǵa kelý men úshin shynymen de úlken mártebe. Men Qazaqstandy óz elimdeı kóremin», dedi Tedros Gebreıesýs sóılegen sózinde.
Ol kelini qazaq ultynyń ókili ekenin alǵa tartyp, óziniń bizdiń elimizge qatysy bar ekenin ańǵartty.
«Kelinim qazaq, sondyqtan eki nemerem de belgili bir dárejede qazaq ultynan. Sondyqtan Qazaqstan da meniń bir elim, ózimdi Qazaqstannyń bir bóligimin dep esepteımin», dedi mártbeli qonaq.
Aıta keteıik, DDSU basshysy - belgili aqyn, aqyndar aıtysyn uıymdastyrýshy Júrsin Ermannyń qudasy.