Astanada alǵash ret bokstan jasóspirimder men jastar arasyndaǵy Azııa chempıonaty bastaldy, dep habarlaıdy Egemen.kz elorda ákimdiginiń resmı saıtyna silteme jasap.
Baıraqty básekede sary qurlyqtyń 23 elinen 450-ge jýyq jas sportshy Azııa chempıony ataǵyna talasady. Olardyń qatarynda О́zbekstan, Qytaı Taıbeıi, Japonııa, Fılıppın, Gonkong, Ońtústik Koreıa, Mońǵolııa, Iran, Qyrǵyzstan, Úndistan, Vetnam, Taıland, Birikken Arab Ámirlikteri, Tájikstan, Túrikmenstan, Palestına, Pákistan, Iemen, Irak, Iordanııa, Kýveıt, Malaızııa jáne Qazaqstan bar.
Týrnırdiń ashylý saltanatyna Týrızm jáne sport mınıstri Ermek Marjyqpaev, IBA Halyqaralyq boks qaýymdastyǵynyń prezıdenti Ýmar Kremlıov, Qazaqstan boks federasııasynyń prezıdenti Keńes Raqyshev, Azııa boks qaýymdastyǵynyń bas hatshysy Alı Salameh qatysty.
«Bul is-shara eń aldymen týrızm men sport salasynyń damýyna erekshe serpin beredi. Kóptegen sport sheberlerin ósirgen qazaq dalasynda boks qashanda baǵalanǵan. О́zderińizge belgili, bizde Olımpıada jáne álem chempıondary shyqqan úlken boks mektebi bar. Osy kúnge deıin jerlesterimiz Olımpıadanyń 7 altyn, 7 kúmis, 10 qolasyn ıelenip, 3 márte «Vel Barker» kýbogi ataǵyn aldy. Ol boksshylar da osyndaı kishkentaı kezinen bastap, jasóspirimder, jastar arasyndaǵy jarystarǵa qatysqan. Sońǵy 5 jylda jas sportshylarymyz álem chempıonatynda 6 altyn, 10 kúmis, 11 kúmis aldy. Búginde bokspen 100 myńǵa jýyq bala aınalysady. Osyndaı týrnırler jastarymyzǵa sheberlikterin shyńdap, tájirıbe almasýǵa keremet múmkindik beredi. Shyn myqtylar jeńis tuǵyrynan kórinsin!», dep Týrızm jáne sport mınıstri Ermek Marjyqpaev óz quttyqtaýyn bildirdi.
Aıta keteıik, jarys 3 qarashaǵa deıin sozylady. Boks básekesin ASBC YouTube kanalynan tikeleı efırde kórýge bolady.