Almatyda «Iаndeks» baǵdarlamalaý mektebiniń kezekti kýrsy bastaldy. 2017 jyldyń qazan aıynda Astana jáne Almaty qalalarynda bastalǵan IT negizderin meńgerýge oqýshylardyń qyzyǵýshylyǵy óte joǵary.
Baǵdarlamalaý mektebi IT salasyna, naqty ǵylymdarǵa qyzyǵýshylyq tanytatyn 8-10-synyp oqýshylaryna arnalǵan. Munda tájirıbeli oqytýshylar balalarǵa suranysqa ıe baǵdarlamalardy úıretip keledi.
– Alǵashqy kúnnen bastap mektepke qyzyǵýshylyq joǵary boldy. Balalardyń da IT álippesin meńgerýge degen qulshynysy zor. О́ıtkeni zamanaýı bilim eń bedeldi degen joǵary oqý oryndaryna túsýge, tabysy joǵary jumys oryndaryna ornalasýǵa múmkindik beredi, – deıdi respýblıkalyq fızıka-matematıka mektebi dırektorynyń orynbasary Gúlnur Áýbákirova.
Qazaqstandaǵy «Iаndeks GO» basshysy Taıyr Baıdúısenniń aıtýynsha, elimizde IT negizderin oqytýǵa degen suranys óte joǵary. «Endigi kezekte eki qalamen shektelmeı, basqa óńirlerdi de qamtýdy josparlap otyrmyz. Qazirgi kezde joba Petropavl, Taldyqorǵan jáne Qostanaıda iske asa bastady», dedi ol.
Jas talanttar úshin jaǵymdy tosynsyılar munymen bitpeıdi. Baǵdarlamalaý mektebiniń túlekteri bilim berý baǵdarlamalaryna qol jetkize otyryp, Django, GameDev ınterfeısterin qurý, junior-ázirleýshilerdiń daǵdylaryn ıgerip, mashınalyq oqytý jáne basqa da baǵyttar boıynsha onlaın kýrstarda zamanaýı IT mashyqtardy meńgeredi.
ALMATY