Keńes quramy bekitildi

Aldaǵy Senat otyrysynda Palata depýtattary «Qazaq­stan Respýblıkasy men Kıpr Res­pýb­lıkasy arasyndaǵy ustap berý týraly shartty ratıfı­kasııalaý týraly» jáne «Qazaq­stan Respýblıkasy men Kıpr Respýb­lıkasy arasyndaǵy qylmystyq ister bo­ıynsha quqyqtyq kómek týraly shartty ratıfıkasııalaý týraly» Zańdardy qaraıdy.

Atalǵan zańdardyń normalaryna sáıkes memleketter qyl­mys­tyq quqyq buzýshylyq sala­synda ózara quqyqtyq kómek kór­sete­di. Naqty aıtqanda, shart­tarda eki eldiń quzy­retti organ­darynyń adamdardy ustap berý, keıin­ge qaldyrý nemese ýaqytsha ustap berý bo­ıyn­sha ózara is-qımyl máseleleri, ustap berý­den bas tartý úshin mindetti jáne fakýl­ta­­tıvtik negizder egjeı-tegjeı reglamenttelgen.

Otyrys barysynda depýtattar Senat janynan Inklıýzııa jó­nin­degi keńes qurý týraly máse­leni qarap, onyń quramyn bekitti.

«Kedergisiz orta qalyptastyrý jáne múge­dektigi bar azamattardy áleýmettik qorǵaý – memle­ket­tiń aldynda turǵan basym min­­det­terdiń biri. Inklıýzııa jónin­degi keńes­tiń qyzmeti elimizde tolyq­qandy ınklıý­zıv­ti orta qurýǵa yqpal etýdi kózdeıdi. Bul alań­nyń jumysyna sarapshylar men qoǵam bel­sen­dilerin de jumyldyramyz. Aldaǵy ýaqyt­ta Keńes erekshe qajettiligi bar azamattar­dyń ómir súrý sapasyn jaqsartýǵa tyń serpin beredi dep senemiz. Senat osy baǵytta barlyq múddeli tarappen belsendi jumysyn jalǵastyra beredi», dedi Máýlen Áshimbaev.

Keńestiń quramyna Senat depýtattarynan bólek, sarapshylar qaýymdastyǵynyń, qoǵamdyq uıymdardyń, sondaı-aq, múddeli memlekettik organdardyń ókilderi endi. Senat janynan Inklıýzııa jónindegi keńes qurý týraly bastama alǵash ret bıyl qyrkúıek aıynda Palatada kóterilgen bolatyn.

Sonymen qatar Bıýro otyrysynda «Prezıdenttiń «Ádiletti Qazaqstannyń ekonomıkalyq baǵ­dary» atty Qazaqstan halqy­na Joldaýyn iske asyrý sheń­berin­de salyq saıasatynyń jáne salyqtyq ákim­shilendirýdi jańǵyr­týdyń negizgi tásil­deri men tujy­rym­damalyq máseleleri» taqy­ry­byna arnalǵan aldaǵy Úkimet saǵatyna daıyndyq barysy talqylandy.

Senat tóraǵasy atap ótkendeı, Memleket basshysy bıylǵy Joldaýda salyq saıasatyna jeke toqtalyp, tıisti organdarǵa naqty tapsyrmalar berdi. Osyǵan oraı, jańa Salyq kodeksin ázirleý Parlamenttiń aldynda turǵan mańyzdy mindetterdiń biri ekenin atap ótken jón. Sondaı-aq otyrys kezinde Májilisten kelip túsken zańdar jumys úshin Senattyń turaqty komıtetterine bólinip berildi.