Qazaqstanda 2024 jyldyń 1 qańtarynan bastap múgedektik jáne asyraýshysynan aıyrylǵan jaǵdaıda tólenetin áleýmettik tólemderdiń mólsheri ósedi. Qazaqstan Respýblıkasynyń Premer-mınıstri Álıhan Smaıylov tıisti qaýlyǵa qol qoıdy, dep habarlaıdy Egemen.kz.
Qujatta 2024 jyldyń 1 qańtarynan bastap Memlekettik áleýmettik saqtandyrý qorynan múgedektik jáne asyraýshysynan aıyrylǵan jaǵdaıda taǵaıyndalatyn áleýmettik tólemderdi 7 paıyzǵa arttyrý kózdelgeni jazylǵan.
Bul ósim eńbekke qabilettiligi joq 87 myńǵa jýyq adamdy jáne asyraýshysynan aıyrylǵan 59 myń otbasyny qamtıdy. Bul maqsattarǵa 5 mıllıard teńgeden astam qarjy bólinedi.
Aıta keteıik, Áleýmettik kodekske sáıkes, Qazaqstan Respýblıkasynyń Úkimeti múgedektik jáne asyraýshysynan aıyrylǵan jaǵdaıda tólenetin tólemderdiń kólemin jyl saıyn arttyryp otyrady.