О́z basym aýyz toltyryp aıtarlyqtaı erlik jasadym dep aıta almaımyn. Adam retinde qıyn jaǵdaıǵa tap bolǵan jandarǵa qolushyn sozdyq. Soǵan qaramastan kishigirim eńbegimdi baǵalap «Erligi úshin» medalin tabystap jatqan el basshylaryna rahmet aıtamyn. Bul marapatty Prezıdenttiń óz qolynan alǵanymdy maqtan tutamyn.
Men Temirtaý qalasynda órt sóndirý kóliginiń júrgizýshisi bolyp eńbek etemin. Bıyl naýryz aıynda men eńbek demalysynda edim. О́zim turatyn páter 2-qabatta edi. Bir kúni ústimizdegi 3-qabattaǵy páterde gaz jaryldy. Kireberiske shyǵyp edim, ústindegi kıimi túgel janyp ketken bir áıel baspaldaqpen túsip kele jatyr. Zaıybym ekeýmiz ony ishke kirgizgende «Balalar, balalar!» deı berdi. Sóıtse, páterde taǵy bir áıel jáne 4 kishkentaı bala bar eken. Olardy da órtenip jatqan úıden der kezinde alyp shyqtyq.
Bir áttegen-aıy, sol oqıǵadan keıin 15 páterli bizdiń kópqabatty úıimiz turýǵa qaýipti delinip, bárimizdi shyǵardy. Mine sodan beri 8 aı ótti. Jóndep beremiz dep ýáde berip edi. Biraq áli kúnge óz úıimizge orala almaı jatyrmyz. Qazir qyzymyzdyń úıinde turyp jatyrmyz. Onyń ózi kópbalaly otbasy. Úıimizdi tezirek jóndep, shańyraǵymyzǵa qaıta oralsaq deımiz.
Talǵatbek TО́LEÝBAEV,
órt sóndirý kóliginiń júrgizýshisi
Temirtaý qalasy