Qasymhan Aldabergenuly – 99 jasqa qadam basqan qart jýrnalıst, soǵys ardageri. Ahmet Baıtursynuly týǵan óńirdiń kónekóz abyzy. Respýblıka kúnine oraı dana qarııadan bata suraǵan edik.
Aınalaıyndarym, búgin, mine, qaısar halqymyzdyń ǵasyrlar boıy ańsaǵan azat zamanyn, jańarǵan memleketimdi kórip otyrmyn.
О́rkeni ósken baıtaq elimizdiń birligin nyǵaıtyp, rýhyn kóteretin bas merekemiz baıandy bolyp, myńjyldyqtarǵa ulassyn!
Elimizge bereke bersin,
Rızyq-nesibe mol bolsyn,
Ár otaý orda bolsyn,
Ishi janǵa, syrty malǵa tolsyn.
Eńbek ıgilikke bastasyn,
Peıil jamandyqqa baspasyn.
Azattyqtyń juldyzy sónbesin,
Ul-qyzymyz adasýǵa kónbesin.
Babalar ósıetin qazyq eteıik,
Aqyl men bilimdi azyq eteıik.
Áýmın!
Qasymhan ALDABERGENULY,
maıdanger, jýrnalıst
Qostanaı