«Beıneý-Jańaózen»: Ekinshi jeli iske qosyldy

Búginde Mańǵystaý oblysy – Qazaqstan boıynsha tabıǵı gazdy eń kóp tutynatyn aımaq. Atap aıtqanda, ótken jyly oblys 2,8 mlrd tekshe metr kógildir otyn tutynǵan, bul respýblıkanyń ishki naryǵyndaǵy jalpy qajet­tiliktiń 19%-yn quraıdy.

«Beıneý-Jańaózen» magıst­ral­­dy gaz qubyrynyń ekin­shi jelisin iske qosý eldi meken­derdi, iri ónerkásiptik nysandardy, sondaı-aq jylý jáne elektr qýatyn óndiretin Mańǵystaý oblysynyń bas energetıkalyq kásiporny – «MAEK» JShS-ny gazben turaqty túrde qamta­masyz etýge múmkindik beredi.

Álıhan Smaıylov óz sózin­de atalǵan joba Memleket basshy­synyń tapsyrmasy boıynsha iske asyrylǵanyn jáne óńirdiń ekonomıkalyq damýy úshin úlken mańyzǵa ıe ekenin atap ótti.

Máselen, «Beıneý-Jańa­ózen» gaz qubyrynyń ekinshi jeli­siniń ótkizý qabileti jylyna 5,8 mlrd tekshe metrdi qu­raı­dy. Buǵan deıin «Okarem-Beıneý» gaz qubyrynyń atalǵan baǵyt boıynsha óndiristik qýaty shamamen 3 mlrd tekshe metr ǵana bolatyn. Endi eki gaz qubyrynyń jalpy ótkizý qabileti jylyna shamamen 9 mlrd tekshe metrge jetedi, bul óńir qajettilikterin toly­ǵymen jabady.

«Kógildir otyndy úzdiksiz jetkizý Mańǵystaý oblysynyń eko­no­­mıkalyq damýyna bel­sen­­di yq­pal etedi. Sonymen qatar atal­ǵan joba elimizdiń ener­getı­kalyq qaýipsizdigin nyǵaı­ta túsedi»,  dedi Álıhan Smaıylov.

Nysan qurylysy kezinde magıs­traldy qubyrlardy salý sala­syndaǵy zamanaýı tehno­logııa­­lar, sondaı-aq korrozııadan qorǵaý­dyń senimdi quraldary paı­dalanyldy. Bul rette otan­dyq taýar óndirý­shilerdiń jab­dyq­tary men materıaldary tartyldy.

«QazaqGaz» ulttyq kompa­nııa­­synyń basqarma tóraǵasy San­jar Jarkeshov atap ótken­deı, «Beıneý-Jańaózen» jańa gaz qubyryn salý jobasyna «QazaqGaz» jáne «Samuryq-Qazyna» AQ-nyń jeke qaraja­ty esebinen shamamen 180 mlrd teńge ınvestısııa tartyldy.

«Bul Mańǵystaý oblysynyń ekonomıkalyq damýy men ener­ge­tıkalyq qaýipsizdigine qosyl­ǵan qomaqty úles»,  dedi ol.

Sonymen qatar «Jańaózen-Jetibaı-Aqtaý» iri gaz qubyry­nyń úsh jelisin kúrdeli jóndeý ju­mystary aıaqtaldy. Bul – «Beı­neý-Jańaózen» ekinshi jeli­siniń iske qosylýymen birge Mańǵystaý oblysynyń gaz tasymaldaý júıesin jań­ǵyr­týdaǵy úlken qadam.

О́ńir ákimi Nurlan Noǵaev atalǵan jobalardy iske asyrý shaǵyn jáne orta bıznesti damy­týǵa yqpal etetinin, son­daı-aq jalpy Mańǵystaý úshin jańa múmkindikter ashatynyn basa aıtty.

«Memleket basshysy ju­mys sapary barysynda óńir­di gazben úzdiksiz qamtamasyz etýdi tapsyrǵan bolatyn. Magıs­tral­dy gaz qubyrlarynyń qu­ry­lysy men jóndeý jumys­taryn merziminde ári tolyq aıaqtaǵan «QazaqGaz» kompanııa­syna Mańǵystaý oblysynyń turǵyndary atynan alǵysym­dy bildiremin», dedi Nurlan Noǵaev.

«Barshańyzdy osy mańyz­dy jobalardyń aıaqtalýymen quttyqtaımyn»,  dep saltanatty is-sharany qorytyndylady Álıhan Smaıylov.

Saltanatty is-sharaǵa orta­lyq jáne jergilikti atqarý­shy memlekettik organdar­dyń, «Samuryq-Qazyna» AQ, «QazaqGaz» ulttyq kompanııa­sy­nyń basshylary, gaz sala­synyń jumysshylary men ardagerleri qatysty.