AZIIа KEŃESI — QAÝIPSIZDIK KEPILI, TURAQTYLYQ TIREGI

Keshe Ystambul qalasyndaǵy “Chıragan” saraıynda Azııadaǵy ózara is-qımyl jáne senim sharalary jónindegi keńestiń (AО́SShK) III sammıti ashyldy. Onyń jumysyna AО́SShK-ge múshe birqatar memleketterdiń basshylary: Qazaqstan Respýblıkasynyń Prezıdenti Nursultan Nazarbaev, Túrkııa Prezıdenti Abdýlla Gúl, Aýǵanstan Prezıdenti Hamıd Karzaı, Ázirbaıjan Prezıdenti Ilham Álıev, Iran Prezıdenti Mahmud Ahmadınejad, Mońǵolııa Prezıdenti Sahıagıın Elbegdorj jáne Reseı Úkimetiniń Tóraǵasy Vladımır Pýtın, sondaı-aq QHR Memlekettik Keńesiniń múshesi, vıse-premer Daı Bıngo, Irak vıse-prezıdenti T. Ál-Hashımı, Vetnam vıse-prezıdenti Ngýen Thı Zoan, Tájikstan Olı Madjılısiniń tóraǵasy Sh.Zýhýrov, Birikken Arab Ámirlikteriniń Syrtqy ister mınıstri Sheıh Ben Zand Abdalla ál Nahaıan qatysty. Keshe Ystambul  qalasynda Azııadaǵy ózara  is-qımyl jáne senim sharalary keńesiniń  III sammıti ashyldy.  Onda Keńestiń  Is basyndaǵy tóraǵasy,  Qazaqstan Prezıdenti Nursultan Nazarbaev sóz sóıledi. AО́SShK-niń bul sammıtine Ýkraına Prezıdenti V.Iаnýkovıch baıqaýshy retinde, Makedonııa Prezıdenti G.Ivanov qonaq retinde arnaıy kelgen eken. Bulardan bólek AО́SShK-ge múshe ózge mem­leketterdiń barlyǵy derlik syrtqy ister mınıstrlerin jiberipti. Keńes sammıtine sondaı-aq halyqaralyq bedeldi uıymdardyń basshylary men arnaıy ókilderi de keldi. Qazaqstan Prezıdentiniń basta­ma­symen qurylyp, Azııada qaýip­siz­dik pen turaqtylyqty qamtamasyz etý maqsatyn kózdegen AО́SShK búginde álemdik qoǵamdastyqtyń na­zaryn aýdaryp otyr. Birqatar mem­leketterdiń basshylary men laýazymdy tulǵalardyń aty-jón­derin keltirip otyrǵanymyz son­dyqtan. Erteńgilik saǵat tili 9.30-dy kór­setkende sammıtke qatysýshy elderdiń delegasııa basshylary retine qaraı kele bastady. Olardy Qazaqstan Prezıdenti Nursultan Nazarbaev pen Túrkııa Prezıdenti Abdýlla Gúl kútip alyp jatty. Onyń mánisi mynada edi: Qazaqstan basshysy AО́SShK-niń qazirgi tór­aǵasy, al Túrkııa basshysy AО́SShK-niń jańa tóraǵasy, ári sha­ńyraq ıesi. Kóp keshikpeı “Chıragan” sa­raıy­nyń Bollrým zalynda Keńes­tiń III sammıti jumysyn bastady. Sammıttiń ashylýynda Qazaqstan Respýblıkasynyń Prezıdenti, AО́SShK-niń qazirgi tóraǵasy Nursultan Nazarbaev pen Túrik Respýblıkasynyń Prezıdenti Abdýlla Gúl sóz sóıledi. Qazaqstan basshysy aldymen AО́SShK-niń qaýipsizdik pen turaqtylyqty qam­tamasyz etýdegi róline toqtaldy. О́tken jyldar ishinde Azııa Keńesi qaýipsizdik pen turaqtylyqty nyǵaıtý máselesi jónindegi bedeldi forýmǵa aınalyp, jalpy óńirlik únqatysýdyń mańyzdy tetigi re­tinde qalyptasty, dedi Nursultan Nazarbaev. Forýmnyń ınstıtýttyq kezeńi aıaqtalǵanyn rızashylyqpen atap ótýge bolady. Azııa Keńesi qa­byldaǵan mańyzdy qujattar bizdiń forýmnyń ýaqyt kóshine ilese alatynyn kórsetip otyr. Qazirgi kezde búkil álem osy za­manǵy qaýip-qaterlerge tótep berý­diń tıimdi joldaryn qarastyryp jatqany belgili. Keńes aıasynda qaǵıdattar deklarasııasy, Almaty aktisi, Senim sharalary tizilimde­me­si, Rásimder erejeleri, sondaı-aq Artyqshylyqtar men ımmýnıtetter konvensııasy qabyldanǵan. Prezı­dent­tiń atap ótkenindeı, bul qu­jat­tar boıynsha naqty yqpaldasý úshin keń aýqymdy quqyqtyq negiz qalyptastyrylýda. Sonymen qatar, Keńestiń basym baǵyttaryn damytý barysynda da aıtarlyqtaı ilgeri­leý bar. Bes jyl boıy júrgizilgen kelissózder nátıjesinde áskerı-saıa­sı ólshemdegi máselelerdi tal­qy­laýdy bastaý týraly ýaǵda­las­tyqqa qol jetkizildi. Qazaqstan bas­shysy sondaı-aq, Keńestiń úı­lestirýshi jáne teń úılestirýshi el­derdiń kólik dálizin damytyp, esirt­ki trafıgimen kúres jáne tó­tenshe jaǵdaılardy basqarý sııaq­ty jekelegen senim sharalaryn jú­zege asyrýdaǵy qyzmetin atap ótti. Budan keıin N.Nazarbaev Qa­zaqstanda Azııa Keńesiniń halyq­aralyq hatshylyǵy tabysty jumys istep jatqandyǵyn, eki sammıt ót­kizilip, mınıstrler deńgeıinde úsh kezdesý bolǵandyǵyn atap kórsetti. Halyqaralyq jáne óńirlik uıym­darmen, forýmdarmen baılanystar ornatyldy. Azııa Keńesi BUU Bas Assambleıasy janyndaǵy baıqaýshy mártebesine ıe boldy, dedi Nur­sul­tan Ábishuly osyǵan qatysty. Ke­ńes bolashaqta Azııadaǵy qaýipsizdik pen yntymaqtastyq jónindegi to­lyqqandy uıymǵa aınalý baǵyty boıynsha damyp keledi. Azııa Ke­ńe­sine Iran men Vetnamnyń múshe bolyp kirýimen, al Bangladeshtiń baıqaýshy mártebesin ıelenýimen quttyqtaımyn. Endi bizdiń forým Azııa qurlyǵynyń 90 paıyzyn jáne jer shary turǵyndarynyń teń jartysyn quraıtyn 22 mem­lekettiń basyn qosyp otyr. Qazaqstan Prezıdenti forýmǵa qatysýshylar quramynyń keńeıýine jáne onyń halyqaralyq bedeliniń artýyna oraı, kópshiliktiń qaraýy­na Azııa Keńesi Hatshylyǵy bas­shy­synyń mártebesin Atqarýshy dırektor deńgeıinen Bas hatshy deńgeıine kóterý týraly usynys bildirdi. Búginde ıadrolyq qaýip-qater adamzat úshin eń kúrdeli túıtkil­der­diń biri bolyp otyr. Al elimiz ıadro­lyq qarý-jaraqtan óz erkimen bas tartqan memleket retinde ha­lyqaralyq qaýipsizdikti nyǵaıtý­da­ǵy is-áreketin odan ári jalǵas­ty­rýda. Ústimizdegi jyldyń sáýir aı­yn­da Vashıngtonda ótken Iаdrolyq qaýipsizdik jónindegi jahandyq sammıtte men jalpyǵa ortaq ıadro­lyq qarýdy tiktep te, kólbeý de taratpaý týraly ámbebap kelisim-shart ázirleý, ıadrolyq qarýsyz aımaqtardyń quqyqtyq mártebesin retteý, ıadrolyq otynnyń halyq­ara­lyq bankin jasaý, sondaı-aq ıadrolyq qaýipsizdik ortalyǵyn qurý týraly usynys engizgen edim, dep jalǵastyrdy sózin Nursultan Ábishuly. Qazaqstan eki ıadrolyq derjava – Úndistan men Pákstan arasyndaǵy jaqyndasýdy qoldaı­dy. Biz sondaı-aq, Taıaý Shyǵysta ıadrolyq qarýsyz aımaq qurý baǵytyndaǵy jumystar ońtaıly sheshimin tabady dep úmittenemiz. Iran ıadrolyq baǵdarlamasy tóńi­reginde qalyptasqan jaǵdaıdy tek qana dıplomatııalyq jolmen sheshken jón dep esepteımiz. Qazaqstan basshysy Soltústik Koreıa men Ońtústik Koreıa ara­syn­daǵy qatynastyń qaıtadan ýshy­ǵýy­na alańdaýshylyq bildire kelip, taraptardy ustamdylyqqa shaqyr­dy. Bul jerde áskerı-saıası baǵyt­taǵy únqatysýdy damytý asa ma­ńyzdy ekendigine nazar aýdartty. О́ıtkeni, Azııa Keńesiniń qolynda ózara qatynastardyń basty baǵyt­taryn aıqyndaıtyn Senim shara­lary tizilimdemesi bar. Aýǵanstandy turaqtandyrý má­selesi halyqaralyq jıyndarda jıi kóterilip júr. Aýǵanstannyń or­nyqty ári turaqty damýyna bárimiz de bir kisideı múddelimiz, dedi Nursultan Nazarbaev. Qazaqstan álemdik qoǵamdastyqtyń aýǵandyq esirtki jelisimen kúresine úlken mán beredi. Biz Ortalyq Azııa óńir­lik aqparattyq úılestirý orta­ly­ǵyn ashtyq. Azııa Keńesi osy orta­lyqpen tyǵyz yntymaqtastyq or­natýy kerek dep oılaımyn. О́tken jyldyń sáýirinde Bao­oda­ǵy Azııa forýmynda Qazaqstan Prezıdenti ındýstrııasy damyǵan memleketter kiretin “Azııalyq jıyr­malyq” birlestigin qurý tý­ra­l­y bastama kótergen bolatyn. N.Na­zarbaev sóz barysynda saıa­sattaǵy jáne óńirlik qaýipsizdikti qamtamasyz etýdegi ózara is-qımyl jáne senim sharalaryn sonymen birge qarjy-valıýta salasyna qa­tysty bastamalarda Keńestiń aıasynda qoldanýǵa bolar edi degen oı tastady. Sondaı-aq Qazaqstan astyq jáne basqa da azyq-túlik túrlerin eksporttaýshy iri mem­leket retinde BUU-nyń Ashtyqty joıý jáne álemdegi azyq-túlik qaýipsizdigi máselesin sheshýde myń­jyldyq maqsattaryn oryndaýǵa ózindik úles qosyp keledi. Búginde kóptegen memleketter óńirdegi kórshilermen kúsh biriktirý qajet­ti­gin sezinip otyr. Men ekono­mıkalyq baılanystardy damytýǵa degen ortaq múddeler óńirlik qaýip­sizdik pen turaqtylyqty qamta­ma­syz etýdiń basty faktory bolary­na senimdimin. Qazaqstan basshysy Qyrǵyz­stan­daǵy jaǵdaıǵa da arnaıy toq­taldy. Qyrǵyzstandaǵy kúrdeli ári turaqsyz jaǵdaı áli saqtalyp otyr, dedi osy máselege baıla­nys­ty. Qazaqstan qyrǵyz tarapynyń bılikti resmılendirý jolynda at­qaryp jatqan is-sharalaryn qol­daı­dy. Biz Qyrǵyz Respýblıka­syn­da konstıtýsııalyq tártip ornatyp, sheshim qabyldaıtyn memlekettik organdardyń qalyptasýyna múdde­limiz. Qazaqstan basshysy osyǵan oraı, halyqaralyq qoǵamdastyqty Qyrǵyzstanǵa halyqaralyq kómek kórsetýdiń keń aýqymdy josparyn jasaýǵa shaqyrdy. Prezıdent sammıtti ashardaǵy sóılegen sózinde Qazaqstan EQYU-ǵa tóraǵalyq mindetin atqaryp kele jatqandyǵyn, bul Shyǵys pen Batys arasyndaǵy qatynastardyń jańa kezeńine jol ashatynyn, son­daı-aq Vankýverden Vladıvostokqa deıingi ulan-ǵaıyr keńistikte ózara senimdi nyǵaıtýǵa septigin tıgize­tinin, sondyqtan da 2010 jyly EQYU memleketteri basshylary­nyń sammıtin shaqyrý týraly bas­tama kótergenin kóldeneń tartty. Sonymen qatar, N.Nazarbaev Uıym­ǵa tóraǵalyq etýshi eldiń basshysy retinde EQYU – Azııa Keńesi forýmyn qurýdy usyndy. Nursultan Ábishulynyń atap ótýin­she, bul eki uıymnyń yntymaq­tas­tyǵy men árekettestigi Kontınent­tik qaýipsizdik tuǵyrnamasyn qa­lyptastyrýǵa jol ashýy tıis. Qa­zaqstan tájirıbesin Azııa Keńesi qyzmetiniń gýmanıtarlyq ólshemin damytý barysynda keńinen paıdalanýǵa bolar edi. Memleket basshysy sóziniń so­ńynda Qazaqstan Azııa Keńesindegi óziniń tóraǵalyq mandatyn Túr­kııa­ǵa tapsyrǵaly otyrǵanyn, bul jaýapty mindetti abyroımen oryn­daýǵa Túrkııanyń tarıhı, saıası jáne mádenı tájirıbesi jetetinin aıta kelip, Túrkııaǵa tabystar ti­ledi. Jalaleddın Rýmıdiń: “Bir shamshyraq kelesi bir shamshyraqty tutatqanda jaryǵyn joǵaltpas”, degen qanatty sózin keltirdi. Al Túrkııa Prezıdenti Abdýlla Gúl osy halyqaralyq jıynǵa qa­ty­sýshylarǵa alǵys aıta kelip, osy­dan 18 jyl buryn Qazaqstan Prezıdenti Nursultan Nazar­baev­tyń bastamasymen negizi qalanǵan AО́SShK-niń búginde Azııada ǵana emes, álemde qaýipsizdik pen turaqtylyqty qamtamasyz etýdegi ornyn atap kórsetti. Túrkııa bas­shysynyń sózine qaraǵanda, Keńes bedeldi halyqaralyq uıymǵa aınaldy. Oǵan múshe memleketter qatary arta tústi, búgin AО́SShK quramyna taǵy eki memleket – Iran men Vetnam kirip otyr. Keńes qurylyp, jumys isteı bas­taǵannan beri AО́SShK-niń eki sammıti ótti, bul sammıtter Qazaq­standa uıymdastyryldy. Ári qaraı Túrkııa Prezıdenti búgin AО́SShK tóraǵalyǵy Túrik Respýblıkasyna tapsyrylyp otyr­ǵanyna toqtaldy. Abdýlla Gúldiń aıtýynsha, bul úlken oqıǵa bolyp tabylady. О́ıtkeni, tóraǵa­lyq mindet Keńes tarıhynda al­ǵash ret shet memleketke júktelip otyr. Sonymen qatar ol búginde keı­bir óńirlerde qalyptasqan jaǵ­daı­larǵa alańdaýshylyq bildirdi. Bir jerde oryn alǵan kıkiljiń onyń mańaıyndaǵylarǵa da qaýip tón­di­redi. Turaqtylyq órkendeý men ósýge jetkizedi. О́zara túsinis­peý­shilik problemalar týǵyzady, ol jan­jaldarǵa soqtyrady, dedi A.Gúl. Túrkııa Prezıdenti sondaı-aq janjaldardy retteýde únqatysý­dyń orny bólek ekenine ekpin túsire kelip, osyǵan mysal retinde Astanada ótken AО́SShK-niń eki sammıtin keltirdi. Sondyqtan da kez kelgen kıkiljińdi retteý Ke­ńes­ke múshe elderdiń barlyǵyna or­taq. Túrkııanyń tóraǵalyǵy ba­rysynda oǵan múshe elderdiń bar­lyǵy qoldaý kórsetedi dep sene­min, sonda ǵana alǵa qoıylǵan maq­satqa qol jetkizýge bolady, dedi A.Gúl. Sheshenniń atap ótýinshe, AО́SShK qyzmetiniń taǵy bir bas­ty baǵyty ekonomıkalyq turaq­tylyq bolyp tabylady. Túrkııa bul baǵytty belsendi túrde jal­ǵas­tyratyn bolady. О́ıtkeni, ja­handyq qarjy daǵdarysy kópte­gen elderge aýyr soqty. Ony qal­py­na keltirýge ýaqyt kerek, ári bul birlesip qarastyrǵandy qajet etedi. Sonymen qatar Túrkııa Pre­zıdenti keıbir elderdiń ertede oryn alǵan oqıǵalardy qaıta qopsytyp, ony búgin óshpendilikke aınaldyrýǵa bolmaıtyndyǵyn da atap ótti. Sammıttiń ashylýynda Aýǵan­stan Islam Respýblıkasynyń Prezıdenti Hamıd Karzaı da sóılegen edi. Ol Aýǵanstandaǵy jaǵ­daıdy aıta kelip, esirtki tra­fıgine qarsy kúreste birlese is-qımyl tanytqannyń qaıtarymy bolatynyn alǵa tartty. Aýǵanstan basshysy sondaı-aq osymen úshin­shi ret ótip otyrǵan AО́SShK sam­mıti qaýipsizdik pen turaqtylyqty qamtamasyz etýde belsendi is-sharalar júrgizip kele jatqanyn aıta kelip, osyndaı sammıttiń qurylýyna bastamashy bolǵan, eki sammıtti joǵary deńgeıde uıym­das­tyrǵan Qazaqstan Prezıdenti N.Nazarbaevqa shynaıy rızashy­lyǵyn bildirdi. Budan keıin AО́SShK forýmy­nyń sessııalary bastaldy. Onda sóz alǵan delegasııa basshylary Azııa­da qaýipsizdik pen turaqty­lyq­ty nyǵaıtý, esirtki tasy­mal­y­men kúres, energetıka jáne azyq-túlik tapshylyǵyn joıý, taǵy basqa da kúrdeli proble­ma­lar­dy sheshý joldaryn qaras­tyr­dy, usynys-pikirler bildirdi. Al AО́SShK-niń jańa tóraǵasy Túr­kııaǵa tabystar tiledi, senim bil­dirdi. Sammıtte sondaı-aq Irak pen Vetnam Keńeske teń quqyly múshe bolyp qabyldanyp, Ban­gla­desh baıqaýshy mártebesin aldy. Jıyn­da AО́SShK Atqarýshy dı­rektory­nyń kandıdatýrasy bek­i­til­di. Bul qyzmetke Ch.Aldemır usynylǵan bolatyn. Sonymen birge sammıttiń basty qujaty – Ystambul dek­larasııasy qabyl­dandy. Qazaqstan Respýblıkasynyń Prezıdenti Nursultan Nazarbaev keshe AО́SShK forýmy aıasynda birqatar ekijaqty kezdesýler ót­kizdi. Atap aıtqanda, Reseı Úki­metiniń Tóraǵasy Vladımır Pýtın­men, Ýkraına Prezıdenti Vıktor Iаnýkovıchpen jáne Aýǵan­stan Prezıdenti Hamıd Karzaımen kezdesip, tıisti máselelerdi tal­qy­lady. Al jıyn aıaqtalǵan soń Qazaqstan, Ázirbaıjan, Túrkııa prezıdentteri jáne Reseı Úkimeti Tóraǵasynyń keshki as ústindegi beıresmı kezdesýi boldy. Álısultan QULANBAI – Ystambuldan. Sýretterdi túsirgender S.BONDARENKO, B.OTARBAEV. TUǴYRLY PIKIRLER TOǴYSY Túrkııa Prezıdenti Abdýlla GÚL: – 1992 jyly Qazaqstan Prezıdenti Nursultan Nazarbaev EQYU-nyń Azııadaǵy balamasy retinde AО́SShK uıymyn qurý ıdeıasyn usyndy. Bul jahandyq aýqymdaǵy tarıhı oqıǵa boldy. AО́SShK tabysty damyp keledi. Munyń basty qaǵıdaty yntymaq­tas­tyq negizindegi qaýipsizdik bo­lyp tabylatyn AО́SShK úderisiniń mańyzyn kórsetedi. Reseı Premeri Vladımır Pýtın: – AО́SShK-niń bedeli kóp jaǵdaıda osy forýmdy qurý bastamashysy bolyp tabylatyn N.Nazarbaevtyń kúsh-jigeriniń arqasynda aıtarlyqtaı artqanyn atap ótpeı tura almaımyn. Alaatdın BÝIýKKAIа,  Túrkııa Parlamentiniń depýtaty: – Nursultan Nazarbaev BUU minbesinen AО́SShK-ni qurýdy usyndy. Qazirdiń ózinde 20 memleket osy uıymnyń múshesi bolyp tabylady. Biz Qazaqstan kóshbasshysynyń bastamasyn joǵary baǵalaımyz jáne biz Nursultan Nazarbaevty sizderdiń ǵana emes, bizdiń de prezıdentimiz dep esepteıtinimdi aıta alamyn. Býlent TÝLÝK,  Túrkııanyń AО́SShK SIM máseleleri jónin­degi toptyń jetekshisi: – AО́SShK-niń búgingi je­tis­tigi – ol Prezıdent N.Nazarbaev strategııasynyń tolyq mándegi kóregendigi. Biz bul uıymǵa erekshe mán beremiz. Azııa óńirindegi tu­raqtylyq biz úshin árqashanda alǵashqy orynda turady. Ahmet KENAN Tanrykýlý, Túrkııa Parlamentiniń depýtaty: – Túrkııa Prezıdenti Abdýlla Gúl jaqynda Qazaqstanda bol­ǵan­da Nursultan Nazarbaevqa An­ka­rada eskertkish ornatylady dep málimdedi. Menińshe, bul sóz túrik halqynyń atynan aıtyldy dep oılaımyn. Nursultan Nazarbaev búkil túrki halqynyń kóshbas­shy­sy bolyp tabylady. Bul óte durys sheshim dep esepteımin. Aýǵanstan Prezıdenti Hamıd KARZAI: – AО́SShK-niń Almaty aktisi ta­rıhı mańyzǵa ıe. AО́SShK Qa­zaqstan Prezıdenti Nursultan Nazarbaevtyń danalyǵynyń arqasynda dúnıege keldi. Onyń kóp jylǵy kúsh-jigeriniń nátı­jesinde AО́SShK kúrt ósti. Sınan OGAN, “TÝRKSAM” ha­lyqaralyq qatynas jáne strate­gııa­lyq taldaý túrik ortaly­ǵy­nyń prezıdenti: – Men Ankarada Prezıdent N.Nazarbaev myrzaǵa eskertkish or­na­tý­dyń da ýaqyty keldi dep sanaı­myn. Biz buǵan qoldaý bildiremiz jáne bul óte oryndy ıdeıa dep bi­lemiz. О́ıtkeni, túrki álemi kópten beri óz kóshbasshysyn qajet etti. Nazarbaev búginde túrki áleminiń kóshbasshysy bolyp tabylady. Elhan MEHTIEV, beıbitshilik jáne kıkiljińderdi sheshýdiń Baký qalasyndaǵy ortalyǵynyń dırektory: – Biz Qazaqstannyń Kavkazda ǵana emes, EQYU keńistiginde de beıbitshilikti qamtamasyz etýge umtylysyn kórip otyrmyz. Son­daı-aq bul Qazaqstannyń Qyr­ǵyz­standaǵy jaǵdaıdy turaqtan­dy­rý­daǵy rólinen de anyq kórindi. Bul halyqaralyq qoǵamdastyq tarapy­nan da joǵary baǵalandy. Valerıı NIKOLAENKO, po­lı­tehnıka ǵylymdarynyń doktory, Máskeý qalasy: – Qazaqstan qazir EQYU-ǵa tóraǵalyq etýde, bul Qazaq­stan­nyń jáne N.Nazarbaevtyń Azııa­daǵy ǵana emes, Eýropa men TMD-daǵy bedeliniń zor ekenin bil­diredi. Makedonııa Prezıdenti Georgıı IVANOV: – Prezıdent Nursultan Na­zarbaevty AО́SShK-ni tabysty qu­ryp, oǵan tabysty tóraǵalyq et­ke­nimen quttyqtaımyn. Bul –mańyzdy forým. Seren DAVAADORJ, Mońǵo­lııa ulttyq qaýipsizdik keńesi tal­daý qyzmetiniń dırektory: – Prezıdent N.Nazarbaevtyń bas­tamasy der shaǵynda boldy, Azııa óńiri bul bastamany qabyl­dady. N.Nazarbaevtyń eldi bas­qarý úlgisinen biz úırenýimiz kerek. Ázirbaıjan Prezıdenti Ilham ÁLIEV: – Men Prezıdent N.Nazar­baev­qa AО́SShK-ni mańyzdy ha­lyqaralyq forým retinde trans­formasııalaǵan kúsh-jigeri úshin rızashylyǵymdy bildirgim keledi. AО́SShK-niń bolashaǵy zor. Iran Prezıdenti Mahmud AHMADINEJAD: – Men halyqaralyq proble­ma­lardy talqylaýda mańyzdy únqatysý alańy bolyp tabylatyn AО́SShK-ni qurǵany úshin Pre­zı­dent Nursultan Nazarbaevqa zor rızashylyǵymdy bildiremin. Mońǵolııa Prezıdenti Sahıagıın ELBEGDORJ: – AО́SShK – Azııadaǵy yn­ty­maqtastyq pen qaýipsizdik jó­nindegi negiz qalaýshy ınstıtýt. Osyǵan baılanysty AО́SShK-ni qurý men damytýdaǵy Prezıdent N.Nazarbaevtyń úlken rólin atap ótken jón. Ýkraına Prezıdenti Vıktor IаNÝKOVICh: – Men Nursultan Nazar­baevqa AО́SShK-ni quryp, oǵan tabysty tóraǵalyq etkeni úshin rıza­shy­lyǵymdy bildiremin. N.Nazar­baev­tyń arqasynda AО́SShK qaýip­sizdiktiń tek Azııa­daǵy ǵana emes, sondaı-aq jahan­dyq aýqymdaǵy mańyzdy ele­menti­ne aınaldy.