Senator Sergeı Ershov elimizdiń Premer-mınıstrine joldaǵan depýtattyq saýalynda Qarqaraly memlekettik ulttyq tabıǵı parkindegi ormanshylardyń problemalaryn kóterdi, dep habarlaıdy Egemen.kz Senattyń baspasóz qyzmetine silteme jasap.
Depýtat óńirlerdegi jerlestermen kezdesýler kezinde osy tabıǵı saıabaqqa barǵanyn jáne olardyń jaǵdaıy memlekettik organdardyń shuǵyl aralasýyn talap etetinine kóz jetkizgenin atap ótti.
«О́kinishke qaraı, Memleket basshysynyń naqty tapsyrmasyna qaramastan, jaǵdaı ózgergen joq, Keńes dáýiriniń deńgeıinde qaldy. Mysaly, 42 kordonǵa 1990 jyldary shyǵarylǵan 7 órt sóndirý tehnıkasy bar, nebári 3 kordon ǵana tozǵan radıobaılanyspen qamtamasyz etilgen. Qalǵandarynda ol da joq. Al avtomobıl parkinde «PAZ» úlgisindegi bir eski avtobýs, GAZ-51 júk kóligi jáne Keńes ókimeti kezindegi órt sóndirý mashınasy ǵana bar», dedi senator.
Sergeı Ershov sonymen qatar sapar qorytyndysy boıynsha Ekologııa mınıstriniń atyna hat jibergenin atap ótti. Ýákiletti organnyń jaýabyna súıene otyryp, búgingi kúni olar tek osy máselelerdi sheshýdiń «múmkindigin qarastyrýdy» josparlaǵanyn kórýge bolady.
Senator saıabaq qyzmetkerleriniń jalaqysy, olardyń áleýmettik jáne materıaldyq ál-aýqaty máselelerine qatysty birqatar máselege nazar aýdardy. Atalǵan faktilerge súıene otyryp, senator problemalardy sheshý úshin birqatar sharany usyndy.
«Kordondardy tehnıkamen, baılanyspen jáne elektr energııasymen qamtamasyz etý qajet. Sondaı-aq ulttyq park ınspektorlary men olardyń otbasy músheleri turatyn jańa ǵımarattardy salý jáne qazirgi ǵımarattardy kúrdeli jáne aǵymdaǵy jóndeýdi júzege asyrý qajet. Ulttyq parktiń tehnıkalyq qyzmetkerleriniń jalaqysyn kóterý kerek, ol búgingi kúni 75 myń teńgeni quraıdy», dedi ol.