Búgin Jambyl oblysynyń Qarataý qalasynda qatty jel soǵyp, 1976 jyly salynǵan bes qabatty úıdiń shatyryn ushyryp áketken, dep habarlaıdy Egemen.kz.
Oqıǵa ornynan túsirilgen beınerolık áleýmettik jeli qoldanýshylarynyń záresin ushyrdy.
Oblystyq tótenshe jaǵdaılar departamenti usynǵan aqparatqa sáıkes, tańerteń úshinshi yqshamaýdanda ekpini 22 m/s bolatyn jeldiń saldarynan turǵyn úıdiń 300 sharshy metr aýmaqtaǵy shatyry ushyp ketti (jalpy aýdany - 3215 sh.m.).
Qaza tapqandar men zardap shekkender joq ekenin aıta ketken jón.