Buryn balasynan bas tartqan ákeler týraly kóp estıtin edik. Qazir balasynan bezgen analardy da kezdestiretin boldyq. Statıstıkalyq derekterge súıensek, elimizde balasyna alıment tólemegen 150-ge jýyq áıel bar, dep habarlaıdy Egemen.kz.
«Egemen Qazaqstan» gazetiniń búgingi sanynda aǵa tilshi Aınash Esalıdiń «Alımentten qashqan áıelder» atty maqalasy jarııalandy. Avtor munda bala-shaǵasyn kúıeýine tastap, «gákkýletip» ketken áıelder jaıynda jazǵan.
«Bas prokýratýranyń Quqyqtyq statıstıka jáne arnaıy esepke alý jónindegi komıtetiniń statıstıkalyq deregi boıynsha, Qazaqstanda alıment tólemegeni úshin 1 618 adam izdestirilip jatyr. Onyń 1 476-sy – er adam jáne 142-si – áıel adam. Bul jerde taǵy bár máseleni qozǵaı ketýge bolady. Osy kórsetkishke úıden bezgen áıelin, ketip qalǵan kelindi sotqa berýge arlanyp, dymy quryp otyrǵan otbasylar bar ekenin de qosýǵa bolady. Al qadaǵalaýshy mekemeler jarııalaǵan statıstıkaǵa súıensek, er-azamat bolsyn, áıeli bolsyn, alımentten qashyp, izdeýde júrgenderdiń kóbi – 31-40 jas aralyǵynda. О́ńirler boıynsha jikteıtin bolsaq, Astanada – 361, Almatyda – 191, Aqtóbe oblysynda – 143, Qostanaı oblysynda – 140, Jambyl oblysynda – 140, Pavlodar oblysynda – 108, Almaty oblysynda – 102, Mańǵystaý oblysynda 59 adam balasyn baǵysýdan qashyp júr», delingen maqalada.
2023 jyldyń 9 aıynda Sotqa deıingi tergeýdiń biryńǵaı tiziliminde alıment tóleý jónindegi mindetterdi qasaqana oryndamaý faktileri boıynsha qylmystyq kodekstiń 139-baby boıynsha 427 qylmystyq is tirkelgen. Bul bap boıynsha 600 saǵatqa deıingi merzimge qoǵamdyq jumystarǵa tartý ne eki jylǵa deıingi merzimge bas bostandyǵyn shekteý, bolmasa sol merzimge bas bostandyǵynan aıyrý túrindegi jaza kózdelgen.
Maqalanyń tolyq nusqasyn oqý úshin myna siltemege ótińiz.