Roza Rymbaevanyń uly, ánshi Álı Oqapov kúni keshe tapsyrylǵan «Qurmet» memlekettik nagradasynan bas tartý týraly sheshim qabyldady, dep habarlaıdy Egemen.kz.
Áleýmettik jelide bul taqyryp kóptegen pikirtalas pen talqylaýǵa sebep bolǵan edi.
Búgin Roza Rymbaevanyń 32 jastaǵy uly ózi málimdeme jasady. Ol óziniń medal suramaǵanyn jáne sońǵy sátke deıin bul ordenniń beriletinin bilmegenin aıtty.
Ras, ánshi ázirge memlekettik syılyqty resmı túrde qaıtarýǵa bolatyn-bolmaıtynyn naqty bilmeıdi. О́ıtkeni, Qazaqstanda mundaı oqıǵa buryn-sońdy bolmaǵan.
Taǵy aıta keterligi, Álı Oqapov osy ýaqytqa deıin alǵan barlyq marapattarynan, onyń ishinde mýzyka salasyndaǵy nagradalarynan da bas tartpaqshy.
Beıne málimdemesiniń sońynda ózin «qarapaıym estrada ánshisi» dep ataǵan ol kópshilikten osyndaı dúrbeleńge sebep bolǵany úshin keshirim surady.