Bul týraly Bas Prokýratýranyń baspasóz qyzmeti málim etti, dep habarlaıdy Egemen.kz.
Habarlamada: «О́tken túnde Qaraǵandy oblysynda Kostenko shahtasyndaǵy órt faktisi boıynsha taý-ken nemese qurylys jumystaryn júrgizý kezinde qaýipsizdik qaǵıdalaryn buzý baby boıynsha sotqa deıingi tergep-tekserý bastaldy (Qylmystyq Kodekstiń 277-babynyń 3-bóligi)», delingen.
Arnaıy prokýrorlardyń basshylyǵymen vedomstvoaralyq jedel-tergeý toby quryldy, onyń quramyna quqyq qorǵaý organdarynyń tájirıbeli qyzmetkerleri men TJM mamandary endi. Tergeý jumysyn úılestirýshiler - Bas Prokýrordyń birinshi orynbasary Tımýr Táshimbaev pen IIM mınıstriniń orynbasary Qaırat Súntaev.
Eske salaıyq, buǵan deıin Kostenko shahtasynda 11 kenshiniń qaza bolǵanyn habarlaǵan edik.