Búgin Qazaq KSR-niń Halyq ártisi, Qazaqstan memlekettik syılyǵynyń laýreaty Roza Rymbaevanyń týǵan kúni. Ánshi 66 jasqa toldy, dep habarlaıdy Egemen.kz.
Roza Rymbaeva 1957 jyly 28 qazanda Semeı oblysy Jańǵyztóbe aýdanynda dúnıege kelgen. T.Júrgenov atyndaǵy Almaty teatr-kórkemóner ınstıtýtyn bitirgen, mýzykalyq komedııa akteri. Estrada ánshisi (soprano), pedagog, professor.
Qazaq KSR halyq ártisi, QR Memlekettik syılyǵynyń laýreaty, Qyrǵyzstan men О́zbekstannyń eńbek sińirgen ártisi. 1976 jyldan – «Gúlder» respýblıkalyq estradalyq-jastar ansambliniń múshesi. 1979 jyldan - Qazaq memlekettik «Qazaqkonsert» birlestiginiń ánshisi. «Parasat» ordenimen marapattalǵan. «Estrada juldyzy» atalymynda «Jyl adamy» (2000) atanǵan. Qazaqstan Lenın komsomoly syılyǵynyń, «О́mirdi ánmen órnektep» televızııalyq konkýrsynyń, Búkilodaqtyq jas oryndaýshylar konkýrsynyń laýreaty. «Altyn Orfeı», «Sopot-77», «Altyn mıkrofon» festıvaldarynyń Gran-prı ıegeri.
Ánshi halyq arasynda kınoaktrısa retinde de tanymal. Ol «Do svıdanııa, Medeo» fılminde basty róldi somdady, ári «Pervaıa pesnıa» fılmi, «Jenskıı vzglıad», «Roza Rymbaeva», «Roza», «Hvost komety», «I snova zdravstvýıte!» derekti fılmderine tústi.
Aıta keteıik, jaqynda Roza Rymbaeva «Halyq ártisi» ataǵyna qatysty pikir bildirgen bolatyn.