«Áleýmettik jelilerde «ArselorMıttal Temirtaý» AQ-ny basqa sheteldik ınvestorlarǵa berý týraly aqparat tarap jatyr. Bul aqparat shyndyqqa sáıkes kelmeıtinin habarlaımyz. Qazirgi ýaqytta kásiporyndy Qazaqstan Respýblıkasynyń paıdasyna qaıtarý boıynsha jumys júrgizilip jatyr. Úkimet «AMT» AQ-ny ári qaraı basqa sheteldik ınvestorlarǵa berý máselesin qarastyryp jatqan joq», dep jazdy Rýslan Jeldibaı.
Eske salaıyq, «ArselorMıttal Temirtaý» AQ-ǵa qarasty Kostenko shahtasynan órt shyqty. Sońǵy derekter boıynsha Kostenko atyndaǵy shahtada qaza tapqandar sany 21-ge jetti. Prezıdent Úkimetke «ArselorMıttalTemirtaý» kompanııasymen ınvestısııalyq yntymaqtastyqty toqtatýdy tapsyrdy. Bas Prokýratýra atalǵan iske qatysty sotqa deıingi tergep-tekserýdi bastady. Memleket basshysynyń tapsyrmasyna sáıkes Premer-mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda oryn alǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy.