Memleket basshysy, jer astynda qalǵan kenshilerdi qutqarý, zardap shekken jáne qaza bolǵan azamattardyń otbasylaryna jan-jaqty kómek kórsetý – kezek kúttirmeıtin mindet ekenin aıtty. Bul týraly Aqorda resmı telegram arnasynda habarlady, dep jazady Egemen.kz.
«Eń aldymen, qutqarý jumystary júrgiziledi. Ekinshiden, zardap shekkender men medısınalyq kómekke muqtaj azamattardyń naqty sanyn anyqtaýymyz kerek. Úshinshiden, osy apattan zardap shekkenderdiń barlyǵynyń otbasyna materıaldyq kómek kórsetemiz. Eger qajet bolsa, arnaıy qor ashamyz. Munymen ózim aınalysamyn», dedi Prezıdent.
Sonymen qatar Memleket basshysy qazirgi ýaqytta kenshilerdiń zeınetke shyǵý jasyna qatysty másele qarastyrylyp jatqanyn aıtty.