Memleket basshysy Qasym-Jomart Toqaev 29 qazandy Jalpyulttyq aza tutý kúni dep jarııalady. Bul týraly Egemen.kz habarlaıdy.
«Qaraǵandy oblysyndaǵy I.A. Kostenko atyndaǵy shahtada bolǵan apat saldarynan adamdardyń qaza bolýyna baılanysty Qazaqstan Respýblıkasynda 2023 jylǵy 29 qazanda jalpyulttyq aza tutý jarııalansyn», delingen Prezıdent Qasym-Jomart Toqaevtyń О́kiminde.
29 qazan kúngi saǵat 09:00-de kelip túsken aqparatqa sáıkes, Kostenko shahtasynda kóz jumǵandar sany 35-ke jetti.
Eske sala ketsek, «ArselorMıttal Temirtaý» AQ-ǵa qarasty Kostenko shahtasynan órt shyqty.
Prezıdent Úkimetke «ArselorMıttalTemirtaý» kompanııasymen ınvestısııalyq yntymaqtastyqty toqtatýdy tapsyrdy.
Bas Prokýratýra atalǵan iske qatysty sotqa deıingi tergep-tekserýdi bastady. Memleket basshysynyń tapsyrmasyna sáıkes Premer-mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda bolǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy.
Sondaı-aq Memleket basshysy Qasym-Jomart Toqaev apattyń mán-jaıyn anyqtap, tıisti sheshim qabyldaý úshin Qaraǵandy oblysyna bardy.
29 qazan elimizde Jalpyulttyq aza tutý kúni dep jarııalandy.