Almaty men Túrkistanda terrorızmdi nasıhattady degen kúdikpen eki er adam ustaldy, dep habarlaıdy Egemen.kz Polisia.kz-ke silteme jasap.
Almaty qalasynyń polısııa departamenti UQKD-men birge terrorızm ıdeıalaryn nasıhattaǵan kúdiktini ustady. Ol Qazaqstanda tyıym salynǵan «Hızb-ýt-Tahrır ál-Islamı» dinı-ekstremıstik uıymynyń jaqtaýshysy bolyp shyqty.
Sonymen qatar Túrkistanda oblystyq Polısııa departamenti qyzmetkerleri prokýratýranyń úılestirýimen terrorızm ıdeıalaryn nasıhattady degen kúdikpen jergilikti turǵyndy ustady. Er adam Qazaqstanda sot sheshimimen tyıym salynǵan «DAISh» halyqaralyq terrorıstik uıymy ıdeologııasynyń jaqtaýshysy eken.
Kúdiktilerdiń turǵylyqty jerin tintý kezinde dinı ádebıetter men ózge de zattaı dáleldemeler tárkilendi. Qylmystyq kodekstiń 256-babynyń 1-bóligi «Terrorızmdi nasıhattaý nemese terrorızm aktisin jasaýǵa jarııa túrde shaqyrý» boıynsha sotqa deıingi tergep-tekserý júrgizilip jatyr. Ustalǵandarǵa qamaýǵa alý túrindegi bultartpaý sharasy tańdaldy.