Baıraqty taýda baq synasty

Júgirýden ózin synap kóremiz degen óskemendikter bıiginde kók baıraǵymyz jelbiregen «Qa­zaqstan» taýynyń etegine jı­nalǵan. Munda qatysýshylar men kó­rermender tańǵy jattyǵý jasady, dámdi palaý men ystyq shaı­dan dám tatyp, júrek jal­ǵady. Sodan keıin baryp top-topqa bólindi.

Qatysýshylardyń aldyna shyǵyp, tájirıbesimen bó­lisken belgili sportshylardyń ishinde aýyr atletıkadan Rıo Olım­pıa­dasynyń qola júl­degeri Denıs Ýlanov, paýer­lıf­­tıngten oblys chempıona­tynyń júldegeri Angelına Ýs­tınovıch, kórkem gım­­nas­tı­kadan halyqaralyq dárejedegi sport sheberi, Azııa chem­pıo­ny Renata Joldınova jáne 200 metrge kanoe esýde Azııa oıyn­darynyń kú­mis júl­degeri Mar­garıta Tor­lopovalar boldy.

Uıymdastyrýshylardyń aıtýynsha, buǵan barlyǵy 200-den asa sportshy qatysqan. Olardyń arasynda respýblıkalyq, ha­lyq­aralyq báıgelerde jeńis tu­ǵyrynan kórinip júrgender de bar. Bul bastamany áýelde oblys ákimi Ermek Kósherbaev kóterip, qala basshylyǵy men sport mamandary biraýyzdan qoldaǵan.

– Bul jarysty jyl saıyn ótkizip tursaq degen oıymyz bar. Bıyl Respýblıka kúnine oraı alǵash ret qolǵa alyp otyrmyz. Sportty serik etkender úshin jarystar júgirýmen ǵana shektel­meıdi, basqa túrlerin qolǵa alyp jatyrmyz, – dedi О́skemenniń ákimi Jaqsylyq Omar.

Jarys jolyna alǵash bolyp qyzdar shyqty. Únemi taýǵa júgirip júrgenderdiń ózi máreni baǵyndyrý ońaı emes ekenin aıtyp jatty. Ras, jattyǵý ke­zinde jaraý attaı oınaqtap júr­gen sport­shylar taýdyń ıyq tusyna jete bere qońyr aıańǵa bas­qan. Qara úze júgirgender de boldy. Dese de, taý basyna deıin bir demmen júgirip shyq­qandar neken-saıaq edi. Qyzdar toby márege jetken soń sórege jigitter turǵan. Olar da órge qa­raı júgirý – jazyqtaǵy júgi­ris­ten áldeqaıda aýyr ekenin á de­gende túsingen. Aıaq bulshyq etteri bultyldap turǵan atletter de asyqqan joq. Bıigine jete bere ǵana básekelesterin sezdi me, julqyna alǵa umtylǵan. Jigitter jaǵy ortasha eseppen 6-8 mınýt ara­lyǵynda taýǵa kóterilgen eken. Jeńimpazdardy marapattaý sátinde kópshilik kútpegen je­ńimpazdyń esimin ataǵanda qýanyshtan tóbemiz kókke bir eli jetpeı qaldy. О́skemendegi №19 mekteptiń 11-synyp oqýshysy Aıan Qasymov, Fedor Sýhonosov, Danıl Kýznesov syndy suńǵaq boıly atletterdi shań qaptyryp, 6 mınýt 8 sekýnd ishinde márege jetken. Marapattaýdan keıin jeńimpazdy sózge tartyp edik, júgirýmen múldem aınalyspaıtynyn aıtty.

– Negizinen veloshabandozbyn. Ve­lo­jarystarda alǵan júl­dele­rim bar. Al taýǵa jú­girýge arnaıy daıyndalǵan da joq­pyn. Bi­­rinshi ret júgirip shyq­tym, – dedi О́skemenniń týmasy Aıan.

Asyqtaı ul qazirdiń ózinde birqatar sporttyq jetistikterge jetken, erteńgi kúni elimizdiń kók baıraǵyn bıikten jelbireteri anyq. Respýblıka kúnine arnal­ǵan is-sharalar budan keıin kon­sert­tik baǵdarlamalarmen jal­ǵasyn tapqan.

О́skemen