«Qazgıdromet» RMK sınoptıkteri 2-4 qarasha aralyǵynda elimizde qandaı aýa raıy bolatynyn aıtty, dep habarlaıdy Egemen.kz.
Sınoptıkterdiń málimetinshe, respýblıkanyń soltústik jartysynda kún raıy qubylmaly bolady. Qar aralas jańbyr jaýyp, kóktaıǵaq bolady, jel kúsheıedi. Aýa temperatýrasy túnde +3+10°S-tan -5+3°S-qa deıin, kúndiz +10+18°S-tan 0+8°S-qa deıin tómendeıdi.
Al respýblıkanyń ońtústik jartysynda keń aýqymdy antısıklonǵa baılanysty aýa raıy jaýyn-shashynsyz bolady. Aýa temperatýrasy túnde -3+5°C, kúndiz +10+17°C-tan +15+20°C-qa deıin kóteriledi.
Túnde jáne tańerteń elimizdiń barlyq aýmaǵynda tuman túsedi.