Elorda tórinde bokstan jasóspirimder hám jastar arasynda ótip jatqan Azııa chempıonatynda 2007-2008 jyly týǵan jetkinshekter jartylaı fınaldyq aıqasyn ótkerdi. Qazaqstan jasóspirimder quramasynyń 7 boksshysy fınalǵa shyqty. Demek, keminde 7 kúmis medal qanjyǵamyzda!
Jasóspirimder quramasy sapynan Aldııar Bahadúr 48 kelide Úndistannan kelgen qarsylasy Sıkanderdi aıqyn utsa, 52 keli salmaq dárejesinde Nurasyl Tólebek ózbek boksshysy Ibrohım Gıosovty jeńdi.
66 keli salmaqta synǵa túsken Bekarys Nurmuhan qyrǵyz boksshysy Ramazan Isaevty 1-raýndta tizerletti.
70 kelide Jasulan Berdaly ózbekstandyq Muhammedsaıd Gýlomovty, 75 kelide Jandos Alpysbaev úndistandyq Sahılden basym tústi.
80 kelide Baqytjan Aıtmuhanov pen 80 keliden joǵary salmaq dárejesinde Beksultan Qaıratuly da fınalǵa ótti.
Jasóspirimder básekesinde Azııa chempıonatynyń fınaldyq aıqasyna 9 eldiń boksshylary shyqty.