Túrkistan oblysyna qarasty Sozaq aýdanynda ekinshi dúnıejúzilik soǵysynyń ardageri Myrzahmet Jylysbaev aýdan ákimin saılaý sharasyna qatysyp, alǵashqylardyń biri bolyp óz tańdaýyn jasady, dep jazady Egemen.kz atalǵan oblystyń óńirlik kommýnıkasııalar qyzmetine silteme jasap.
Sozaq aýdany damýyna ǵumyryn arnaǵan ardager Syzǵan aýyl okrýgindegi №701 saılaý ýchaskesinde óz tańdaýyn belgilep, «saılaý ádil ótsin» dep bata berdi.
«Elimizdiń, aýdanymyzdyń bolashaǵy úshin árbir azamattyń daýysy mańyzdy. Sondyqtan 90-nan asqanyma qaramastan men de tańsáriden kelip, tańdaýymdy jasadym. Saıası naýqannan tys qalmadym. Qashanda elimiz aman, beıbitshilik zaman bolsyn», degen maıdanger saılaý komıssııasynyń jumysyna tabys tiledi.