Almaty qalasy jastarynyń arasynda kitap oqý mádenıetin nasıhattaý, jastardyń kitap oqýǵa degen qyzyǵýshylyǵyn arttyrý, bilimdi, talantty jastardyń ortasyn qalyptastyrýǵa yqpal etý, oqyrmandardyń kitapqa degen súıispenshiligin nyǵaıtý maqsatynda «Oqyrman ult» jobasy júzege asyrylyp jatyr.
Bul joba qazirgi jastardyń ıntellektýaldy deńgeıin ósirýge jáne bilimge qushtarlyǵyn oıatýǵa, ózin-ózi damytýǵa degen umtylysqa jeteleıdi. Jobaǵa jastardy, ata-analardy, kitap avtorlaryn, baspa ıelerin, ınternet resýrstar men áleýmettik jeli paıdalanýshylaryn tartý kózdelgen.
Búginge deıin «Oqyrman ult» jobasy aıasynda Almaty qalasy Jastar saıasaty basqarmasynyń qoldaýymen jastarǵa arnalǵan «Meniń súıikti kitabym» atty kitap oqý marafony jarııalanyp, úzdik qatysýshylar baǵaly syılyqtarmen marapattaldy. Uıymdastyrýshylardyń aıtýynsha, jobaǵa qyzyǵýshylyq tanytyp, belsene qatysýshylardyń qatary kóp bolǵan.
Mine osyndaı jobalar qoǵamnyń nazaryn aýdaryp, kitap oqý mádenıetin damytýǵa, qalyptastyrýǵa septigin tıgizetini anyq.