Orta salmaqtaǵy qazaqtyń tanymal kásipqoı boksshysy Meıirim Nursultanov 17 qarashada Tashkentte ótetin jarysta germanııalyq Vınsent Faıgenbýtspen kúsh synasýǵa tıis edi.
Alaıda kúni keshe onyń jaraqat alǵany belgili boldy. Sodan WBC basshylary Faıgenbýtsti almastyratyn bylǵary qolǵap sheberin izdestirýge kiristi. Bul másele dereý óz sheshimin tapty. Endi Meıirim Chılıdiń ókili Hýlıo Alamospen aıqasady. Ol – óte myqty qarsylas. 32 jastaǵy Santıagonyń týmasy kásipqoı rıngte alty jyldan asa judyryqtasyp júr. Alǵashqy 16 jekpe-jegin jeńispen aıaqtaǵan Hýlıo toǵyz básekelesin aıqyn basymdyqpen utty. Sońǵy ret bıyl jazda ıtalııalyq Etınos Olıhamen kezdesip, oǵan upaı sanymen ese jiberdi. Sóıtip, chılılik sportshy IBO nusqasy boıynsha altyn belbeýdi ıelený múmkindiginen aıyryldy. Al О́zbekstannyń astanasynda uıymdastyrylatyn keshte jeńiske jetken boksshy WBC nusqasynyń chempıondyq tájine talasý quqyǵyna ıe bolady. Al bul ataq ázirge AQSh ókili Djermall Charloǵa tıesili.