Aqmola oblysynda bilim berý uıymynyń dırektory men esepshisi bıýdjet qarjysyn jymqyrdy degen aıyppen sottaldy. Esepshi jeti jylǵa bas bostandyǵynan aıyryldy, dep habarlaıdy Egemen.kz.
Arshaly aýdandyq sotynda habarlanǵandaı, bir jyldan astam ýaqyt – 2022 jyldyń qańtarynan 2023 jyldyń sáýirine deıin aýdandaǵy bilim berý uıymdarynyń biriniń esepshisi dırektorǵa, ózine jáne basqa adamdarǵa joǵarylatylǵan kólemde jalaqy aýdaryp kelgen. Osy ýaqyt ishinde bıýdjetten 28 mıllıon teńge urlanǵan. Bul asa iri kólemdegi shyǵyn bolyp esepteledi.
«Jaza taǵaıyndaý kezinde sot dırektordyń sottylyǵynyń joqtyǵyn, keltirilgen zalaldy tolyq ótegenin, sonymen qatar esepshiniń aqshanyń kóp bóligin urlaǵanyn jáne basqa da áreketterde belsendirek bolǵanyn eskerdi», dep túsindirdi departamentte.
Arshaly aýdandyq soty is boıynsha sottalýshylardy Qazaqstan Respýblıkasy Qylmystyq kodeksiniń 189-babynyń 4-bóliginiń 2-tarmaǵymen kináli dep tanydy. Esepshi jeti jylǵa, dırektor eki jylǵa shartty túrde bas bostandyǵynan aıyryldy. Olardyń árqaısysy memlekettik qyzmette laýazymdardy atqarý quqyǵynan ómir boıyna aıyryldy.
Úkim zańdy kúshine engen joq.