Qurlyqtyq hokkeı lıgasynda (QHL) kúsh synasyp júrgen «Barys» kezekti kezdesýin Astanada Qazannyń «Aq Barsymen» ótkizdi.
Ár báseke saıyn óz jankúıelerin jerge qaratyp júrgen jerlesterimiz bul joly da senim údesinen shyǵa almady. Birinshi kezeńde esep ashylǵan joq. Úzilisten keıin jaǵdaı kúrt ózgerdi. Qaharyna mingen qazandyqtar eki shaıbany qaqpamyzǵa toǵytty. 33-mınýtta Ilıa Safronov pen 37-mınýtta Dmıtrıı Kagarlıskıı nysanany dál kózdedi. Sodan keıin de elordalyq hokkeıshiler jaǵdaıdy ózgertý úshin esh áreket jasamady. 60-mınýtta Evgenıı Svechnıkov básekeniń sońǵy núktesin qoıdy. Esep – 0:3.
Sóıtip, «Barys» sońǵy alty oıynnyń beseýinde jeńilistiń kermek dámin tatty. Endi astanalyqtar 10 qarashada Qytaıdyń «Kýnlýn» klýbyn qabyldaıdy.