Sınoptıkter 11-13 qarasha aralyǵyna arnalǵan aýa raıy boljamyn usyndy. Boljamǵa sáıkes elimizde +18°S-qa deıin aýa temperatýrasy joǵarylaıdy, sondaı-aq kósh mólsherde jaýyn-shashyn jaýady, dep habarlaıdy Egemen.kz.
«Qazgıdromet» RMK málimeti boıynsha, aldaǵy kúnderi Qazaqstannyń basym bóliginde jaýyn-shashyn kútiledi. Sonymen qatar sınoptıkter atap ótkendeı, qarasha aıynda aıtarlyqtaı jyly aýa raıy kútiledi.
«Batystan shyǵysqa aýysatyn sıklon óz jolynda qatty jaýyn-shashyndy týdyrady. 11 qarashada soltústikte, 12 qarashada ońtústikte, 13 qarashada respýblıkanyń ońtústik-shyǵysynda, respýblıkanyń ońtústigi men ońtústik-shyǵysyndaǵy taýly aımaqtarda qatty jaýyn-shashyn (jańbyr men qar) kútiledi. 12 qarashadan bastap Batysqa antısıklondyq silem taraı bastaıdy, osyǵan baılanysty jaýyn-shashyn toqtap, kúndizgi aýa temperatýrasy +8+18°C-qa deıin kóteriledi», delingen habarlamada.
Sınoptıkterdiń aıtýynsha, túnde jáne tańerteń respýblıka boıynsha jel kúsheıip, tuman túsedi.