Almaty oblysyndaǵy "Altyn orda" bazarynda taǵy shý shyqty. Bir top saýdagerdiń aıtýynsha, jańa pavılonǵa mıllıondap qarjysyn quıǵanymen, basshylyq aýysyp ketip, dalada qalǵan, dep habarlaıdy Egemen.kz.
Saýdagerlerdiń sózinshe, qurylys qysqa deıin aıaqtalýǵa tıis bolǵan. Alaıda basshylyq aýysyp ketip, jazdan beri turalaǵan. Al burynǵy dırektor "alǵan aqshamyzdy qaıtarmady" dep otyr. Bul týraly KTK telearnasy habarlady.
"Biz Marjan degen kassırge berdik. Ol Danııar Álpıevtiń kassıri bolady. Sol kisige aqshany tapsyrdyq. Bul jaqta 300 adam dúńgirshekke aqsha quıǵan. Jalpy 450 býtık satylǵan eken. Ortasha 4 mıllıonnan quıǵan. Men 23,5 mıllıon teńge quıdym. Ápkem 18 mıllıon quıdy. Sol sııaqty 9,8 mıllıon quıǵandar bar. 1 mıllıard 600 mıllıon teńge aqsha jınaǵan", deıdi kásipker Álııa Kóshbespaeva
Saýdagerlerdiń kóbi qazir jumyssyz júr. Olar aqshamyzdy qaıtarsyn dep, Qarasaı aýdandyq polısııasyna da birneshe aı buryn shaǵymdanǵan. Alaıda áli nátıje joq.
"Berilgen chekterdiń báriniń kóshirmesin alyp jatyr. Biraq ta prokýratýradan da, Qarasaı aýdanynyń sot oryndary da eshqandaı is qozǵamaı jatyr. Álpıevke qatysty. Qurylysty "Kompanııa nomer odın" moınyna alyp otyr. Osy býtıkter salynsa, qyzdar ornyn alsa degen oıdamyz", dedi kásipker Raıhan Aıdarbaeva
Jańa kelgen basshylyq "qurylysty jalǵastyrýǵa qaıta kirisip jatyrmyz" deıdi. Burynǵy qurylys kompanııasymen kelisimshart buzylyp, basqasymen kelisken.
"Qazir qurylys qansha paıyzǵa júrgizildi, qandaı qurylys materıalymen istelgeni týraly smeta qujattaryn daıyndaý aıaqtaldy. Qurylys qolǵa alynyp, endi bul menshik ıesiniń óz qaltasynan tólenip, ózi qurylysty aıaqtaýǵa kepildik berdi", dep túsindirdi "Altyn orda" bazary atqarýshy kompanııasynyń zańgeri Izbazar О́teýlın.
Al bazardyń burynǵy basshysy Danııar Álpıevtiń advokatynyń aıtýynsha, bul daýdyń quqyqtyq negizi joq, kelisimshart birjaqty buzylǵan.
"Ol aqshanyń bári tikeleı, ıaǵnı Álpıevtiń menshigindegi "Altyn orda nıý kompanı" kompanııasy esepshotynan bank júıesimen "Kompanııa nomer odın" JShS esepshotyna túgel kelip túsken, ıaǵnı ony Álpıev alyp qashyp ketken joq. Ony tyǵyp alyp qalǵan joq. Bul sonymen rastalyp tur", dedi zańger Álibek Almabaev
Saýdagerlerdiń jazǵan aryzy qazir Qarasaı aýdany polısııa bóliminde qaralyp jatyr. Almaty oblysy polısııasy istiń tirkelgenin habarlady. Máseleniń mán-jaıyn quzyrly organ anyqtaıdy.