Almatyda karateden Azııanyń ashyq chempıonaty aıaqtaldy. Bul jarysta Japonııa, Germanııa, Iran, Úndistan, Kýveıt, Qyrǵyzstan, Túrikmenstan, BAÁ, Saýd Arabııasy jáne Reseı quramalary kúsh synasty.
Balýan Sholaq atyndaǵy sport saraıynda ótken dúbirli dodanyń jalpykomandalyq esebinde jerlesterimiz bas júldeni oljalady. Barlyǵy 8 altyn, 8 kúmis jáne 14 qola medaldy ıelendik. Jekelegen sportshylar jaıynda aıtar bolsaq, óz salmaq dárejeleri boıynsha Ulmeken Jalǵas (68 kg), Bella Samasheva (55 kg), Daıana Darenskaıa (61 kg), Dıas Anarbekov (+84 kg), Jolaman Bıǵabyl (60 kg), Ersultan Táńibergen (67 kg) jáne Dıas Ulbek (84 kg) syndy dúldúlder qarsylas shaq keltirmedi. Kýmıteden erler quramasy altyn alsa, áıelder qolaǵa qol sozdy. Jalpy esepte ekinshi jáne úshinshi oryndardy Iran (3+2+3) men BAÁ-niń (2+0+0) karateshileri enshiledi.
Sonyń aldynda ǵana joǵaryda atalǵan memleketterdiń jastary Azııa birinshiliginiń júldelerin sarapqa salǵan edi. Ol jarysta Qazaqstannyń órenderi Japonııadan ǵana qalyp qoıyp, ekinshi satyǵa turaqtady.