Kún tártibi bekitildi

Depýtattardyń talqy­laýyna rezervtegi qyzmet máseleleri týraly zań jobasyn birinshi oqylymda qaraý usynylady. Zań jobasynda áskerı qyzmettiń jańa túri – aýmaqtyq qaǵıdaty boıynsha (turǵylyqty jeri) kelisimshart negizinde qyzmettiń erikti túri bolyp sanalatyn rezervtegi qyzmet engiziledi. Usynylǵan túzetýler áskerı bólimderdi adam resýrstarymen kepil­den­dirilgen qamtamasyz etýge jáne jaýyngerlik is-qımyldarǵa daıyn rezervtik kúshter qurýǵa baǵyttalǵan.

Sonymen qatar depýtattar aldaǵy jalpy otyrysta «Bala quqyqtary týraly konvensııa­ǵa habarlar rásimine qatys­ty fa­kýl­tatıvtik hattama­ny ratı­­fı­­kasııalaý týraly» zań jo­ba­­s­yn qaraıdy. Hattama­da Kon­­vensııada bekitilgen bala quqyqtary buzylǵan jaǵ­daılarda jeke shaǵymdardy qaraý tetikteri belgilenedi. Bul el aza­mattarynyń óz múdde­le­rin halyqaralyq zańnama aıa­syn­da qorǵaýdy qamtamasyz etedi.

Sondaı-aq ulttyq qaýip­sizdikti qamtamasyz etý jáne arnaýly memlekettik organ­dardaǵy qyzmet máseleleri boıynsha túzetýler ekinshi oqylymda qaralady.

Májilis komıtetteri birqa­tar jańa zań jobasyn tal­qylaýǵa qabyldaıdy. Olar: zııatkerlik men­shik quqyq­tarynyń saýda aspek­tileri jónindegi kelisimge tolyq­tyrý engizý týraly hattamany ratıfıkasııalaý, sport baǵy­tyndaǵy jylqylardyń qazaqy tuqymyn saqtaý jáne ósimin molaıtý máseleleri boıynsha ózgerister men tolyqtyrýlar engizý týraly zań jobasy.