Elorda ákimdigi qalalyq ýrbanıstıka ortalyǵymen birlesip, Astanany kógaldandyrý jarǵysyn ázirlep jatyr. Qujatta naqty sharalardy, josparlardy jáne Astanany kógaldandyrýdyń jalpy strategııasyn qamtıtyn erejeler men usynystar jınaǵy bolady. Bul týraly elorda ákimdiginiń resmı saıty habarlady, dep jazady Egemen.kz.
Kógaldandyrý jarǵysy qalanyń barlyq qatysýshylary, onyń ishinde turǵyn úı keshenderi, ónerkásiptik jáne kommersııalyq nysandar, saýda jáne bıznes ortalyqtaryna sapaly kógaldandyrý jáne kógaldandyrý máselelerine erekshe nazar aýdarý quraly bolyp sanalady.
Qujat aıasynda jasyl jelekter, sýarý júıelerimen jáne kútim jumystarymen qamtamasyz etý, aǵashtar sany boıynsha reglament jáne t.b. talaptar qabyldanatyn bolady.
Mysaly, bıyl qurylys salýshylar tarapynan jasyl jelekterdi otyrǵyzý 2,5 esege ulǵaıdy. Qala boıynsha 100 000-nan astam jasyl jelek otyrǵyzyldy.
Búgingi tańda jasyl jelekterge júrgizilgen túgendeý qorytyndysy boıynsha elordanyń bir turǵynyna kógaldandyrý alańy 14 m2 quraıdy. Maqsat ony birneshe jyl ishinde 19 sharshy metrge deıin arttyrý.