Tennısten áıelder arasyndaǵy álemdik reıtıng qaıta jańartyldy. Qazaqstannyń oıynshylary WTA tizimindegi óz oryndaryn saqtap qaldy.
Elimizdiń birinshi raketkasy Elena Rybakına tórtinshi orynda tursa, Iýlııa Pýtınseva 69-satyǵa turaqtady. Jibek Qulambaeva – 495, Gozal Aınıtdınova – 618 jáne Anna Danılına – 817-oryndy enshilep tur. Jerlesterimiz reıtıngtegi jaǵdaıyn jaqsartqysy kelse, olar onda jyl sońyna deıin ótetin túrli týrnırlerde barynsha tabysty óner kórsetýge tıis. Al kóshbasshylarǵa keler bolsaq, aldyńǵy lekte aıtarlyqtaı ózgeris joq. Alǵashqy úshtikte polshalyq Iga Sventek, belarýstik Arına Sobolenko jáne amerıkalyq Korı Gaýff. Odan keıingi satylarǵa Djessıka Pegýla (AQSh), Ons Jaber (Mysyr), Marketa Vondroýshova men Karolına Mýhova (Chehııa), Marııa Sakkarı (Grekııa) jáne Barbora Kreıchıkova (Chehııa) jaıǵasty.
Juptyq jarysqa qatysýshylardyń reıtınginde Qazaqstannyń tennısshileri arasynda eń úzdik kórsetkish Anna Danılınaǵa tıesili. Ol 56-orynda tur.