Fýtboldan «Eýro-2024» dodasynyń irikteý týrnıri aıasynda San-Marıno jáne Slovenııamen ótetin oıyndarǵa Ashat Taǵybergen men Bahtıer Zaınýtdınov qatyspaıtyn boldy.
Bul aqparatty Qazaqstan ulttyq quramasynyń bas bapkeri Magomed Adıevtiń óz aýzynan estidik. Ekeýiniń de aýyr jaraqaty bar. 22 qazanda Shymkentte ótken Premer-lıganyń 25-týrynda Qaraǵandynyń «Shahterine» qarsy kezdesýde «Ordabasynyń» jartylaı qorǵaýshysy Ashat Taǵybergen aýyr jaraqat alyp, oıyndy jalǵastyra almady. Al ótken aptada Túrkııa chempıonatynyń 12-týrynda «Istanbul Bashakshehırdiń» oıynshysy «Beshıktashtyń» sapynda óner kórsetip júrgen Bahtıer Zaınýtdınovti shyntaqpen uryp jiberdi. Jerlesimizdiń beti qanǵa boıalyp, 41-mınýtta bas bapker ony ózge fýtbolshymen almastyrady. Keıin belgili bolǵandaı, Bahtıerdiń muryn súıegi synyp, kózine de qatty zaqym kelgen eken. Sonyń saldarynan elimizdiń qos myqty aıaqdop sheberleri aldaǵy mańyzdy matchtarǵa qatysa almaıtyn boldy.