Kil myqty jıylǵan spartakıada

Soltústik óńirge boks kerek emes

Myna qyzyqty qarańyz. Boks federasııasynyń máli­metinshe, buǵan deıin Qazaqstan chempıonatyna 17 oblys pen 3 megapolıs­ten boksshylar únemi baqtaryn synaıtyn edi. О́kinishke qaraı, bul joly Soltústik Qazaqstan obl­y­sy­­nan sportshylar da, bapkerler de kelmedi. Sebep – bireý. Qazaqstan chempıonaty deńgeıinde synǵa túsetin oblys­ta birde-bir boks­shy joq eken. Sonda óńirdiń sport bas­qarmasy basshylary qaıda qarap otyr? Bul máseleni al­daǵy ýaqytta saraptaý qajet. Bokstan mem­le­kettik jattyqtyrýshy Mereı Aqshalovtyń aıtýynsha, buǵan deıin mundaı olqylyq bolmaǵan jáne soltústikqazaqstandyq sport salasynyń basshylary jumys iste­meı otyr.

Jalpy, chempıonatqa tek úsh óńir – Túrkistan men Jambyl oblysy jáne Almaty qalasy ǵana tolyq qurammen kelgen. Boks derjavasymyz dep qur keýde kere bermeı, atalǵan máseleni jergilikti sport basqarmasynyń basshylary sheshý kerek dep oılaımyz.

Spartakıadaǵa 177 boks­shy qatysyp jatqanyn aıttyq. Al salystyrmaly túrde aıtsaq, О́zbekstannyń boks fede­ra­sııasynyń vıse-prezıdenti, qandasymyz Sáken Bola­tov­tyń aıtýynsha, 2022 jyly О́z­bekstan chempıonatyna 300 boks­shy qatyssa, 2023 jylǵy chem­pıonatqa 450 boksshy qatysady dep kútilip otyr.

Jarystan kimder bosatyldy?

Al ulttyq quramadan 63,5 kg salmaqtaǵy Ertýǵan Zeı­nýl­lınov qabaǵyn jaryp alýyna baılanysty týrnırden shet qa­lýyna týra kelgen. Parıj Olımpıadasynyń lısenzııasyn alǵan asa aýyr salmaqtaǵy Qamshybek Qońqabaevqa, 71 kg salmaqta baq synaıtyn, komanda kapıtany Aslanbek Shymbergenovke eshkimniń artyq sózi joq. Sondyqtan olar jarys­tan bosatylypty.

Bokstan elimizdiń ulttyq quramasynyń bas bapkeri Myr­zaǵalı Aıtjanovtyń aıtýynsha, bes salmaq boıynsha (51 kg, 57 kg, 63,5 kg, 80 kg, 92 kg) chempıon atanǵandar ke­ler jyl­dyń aqpan aıynda Italııada ótetin Olımpıadaǵa joldama úılestiretin týrnırge qatysady.

– Tórt jylda bir ret óte­tin jazǵy Spartakıada oıyndary buǵan deıin 2019 jyly Qyzylorda qalasynda uıym­dastyrylǵan edi. Bıyl bul sa­ıysty Astana qabyldap otyr. Jalpy, spartakıadada 27 sport túri qamtylady. Álem chempıonaty, Hanchjoýdaǵy Azııa oıyndaryna baılanys­ty boks saıysy kúzdiń sońǵy aıyn­da ótkizilip otyr, – dep áńgimesin bastaǵan Myrzaǵalı Qulanuly spartakıadaǵa kil myqtylar jınalǵanyn aıtty. – Bokstan bıylǵy VI jaz­ǵy Spartakıada oıyndary qyzyqty ótetinine senimdimin. Sebebi birinshiden, 2020 jyldan beri ulttyq quramanyń beldi sportshylary el chempıonatyna qatyspaı keldi. О́ıtkeni 2021 jyly Tokıo Olımpıadasy men álem chempıonaty qatar bolsa, 2022 jyly Azııa birinshiligi uıymdastyryldy. Ol jerde júlde alǵan sportshylar avtomatty túrde Qazaqstan chempıonatynan bosatyldy. Bıyl da boksshylar álem chempıonaty jáne Azııa oıyndaryna qatysqanymen, lısenzııa ala almaǵan boksshylar qaıta ózderin dáleldeýge tıis. Ekinshiden, kásipqoı rıngte júr­gen Bekzat Nurdáýletov, Tur­synbaı Qulahmet, Nursul­tan Amanjolov sekildi boks­shylar áýesqoıda qaıta óz múm­­kindikterin baıqap kórýge bel býyp otyr. Bul da spar­takıa­danyń shyraıyn keltiredi dep oılaımyn.

Alty birdeı álem chempıony

Iá, rasynda da bıylǵy spar­takıadanyń deńgeıi joǵary óte­tinine senim mol. Sebebi al­ty birdeı álem chempıony myq­ty ekenderin osy spartakıadada dálel­deýi kerek.

Ásirese bir ǵana 80 kg salmaqtyń ózinde álem, Azııa chem­pıo­natynda atoı sal­ǵan­dar tolyp jatyr. Bas bapker aıtqandaı, Tursynbaı Qulahmet 2019 jyly álem chem­pıonatynyń qola júldegeri bolsa, Bekzat Nurdaýletov – 2019 jylǵy álem chempıony. Sondyqtan bul boksshylardyń kásipqoı rıngte júrgenimen, áli de aıtary bar. Sondaı-aq 2023 jylǵy álem chempıony Nurbek Oralbaı – osy salmaqtyń bas­ty favorıti. 2022 jylǵy Qazaqstan chempıony, 22 jasqa deıingi jastar arasynda Azııa chempıonatynyń qola júldegeri Erasyl Jaqpekov te qara jaıaý emes. Spartakıada da jan­kúıerler dál osy 80 kılodaǵy jekpe-jekterdi kútetini anyq.

Taǵy bir jankúıerler taǵat­syzdana kútip otyrǵan salmaq ol – 51 kg. Bul salmaqta álem chem-pıondary – Sáken Bıbosynov pen Sanjar Táshkenbaı, Azııa­nyń kúmis júldegeri Danıal Sábıt bar. Azııa oıyndarynda sátsiz óner kórsetkennen keıin jankúıerler tarapynan «Sá­kenniń ornyna Sanjar barýy kerek edi» degen kóptegen syn aıtylǵan edi. Sol aıtylǵan synǵa jankúıerler spartakıada jaýabyn tabady.

Onyń syrtynda álem chem­pıon­dary – Temirtas Júsipov (49 kg) pen Sabyrhan Mahmut (57 kg), álem chempıonatynyń kúmis júldegerleri Serik Temirjanov (63,5 kg) pen Dýlat Bekbaýov (67 kg) sekildi jahan jarysynda atoı salǵandarda Astanada ózderiniń myqty ekendikterin taǵy bir dáleldeýi kerek.

Neshe boksshy baq synaıdy?

Týrnırdiń qyzyqty ótip jatqanyn jarystyń birinshi kúnine-aq baıqadyq. Sebebi saıysqa qosylǵan jastar ózderin eresekterden esh kem emes ekendikterin dáleldeýde. Solardyń biri jastar arasynda Azııa chempıony Baqbergen Álıasqarov 75 kg salmaqta uzaq jyldar boıy quramada júrgen Aıatolla Tákijanovty 4:1 esebimen je­ńip, ári qaraı jarysty jal­ǵastyrýǵa múm­kindik aldy. Odan basqa favorıt sanalǵan boksshylar jarystan shyǵyp qalǵan joq.

Joǵaryda 177 boksshy baq synap jatqanyn aıttyq. Qaı salmaqta neshe boksshy baq synap jatqanyna toqtalsaq, 48 kg – 13, 51 kg – 11, 54 kg – 16, 57 kg – 14, 60 kg – 16, 63,5 kg – 16, 67 kg – 18, 71 kg – 15, 75 kg – 15, 80 kg – 14, 86 kg – 10, 92 kg – 10, +92 kg-da 9 boksshy rıngke shyǵady.

Jarystyń 1/8 jáne shırek fınaldyq kezdesýlerin aldaǵy nómirde tolyqqandy jarııalaı­myz.