Bıyl Qazaqstan Premer-lıgasyn 4- orynmen qorytyndylaǵan Almatynyń «Qaıraty» kelesi jyly qalaı da chempıondyq ataqty ıelenýdi kózdeıdi.
Joǵarydaǵy jospardy júzege asyrý úshin olar qazirden bastap qamdanyp, óz qataryn sheber fýtbolshylarmen tolyqtyryp jatyr. Solardyń biri – brazılııalyq Elder Santana. Santa-Paýlý shtatyna qarasty Vera-Krýs qalasynyń týmasy 30 jasta. Amplýasy – shabýylshy. Ár jyldary ol óz eliniń «Atletıko Mıneıro», «Týpı», «Ferrovıarııý», «Sampaıo Korrea», «Bragantıno», «Atletıko Goııanense», «Botafogo», «Sertaozıno» jáne Portýgalııanyń «Sanjýanense», «Jıl Vısente» klýbtarynda oınady. 2022/2023 jylǵy maýsymda «Aqtóbeniń» namysyn qorǵady. «Atletıko Mıneıronyń» sapynda Santana 2013 jyly Lıbertadores kýbogin jeńip alsa, 2017 jyly Mınas-Jeıras shtatynyń chempıony atandy.