Ekonomıkalyq saıasattaǵy qazirgi úrdis – ishki jalpy ósimde shaǵyn jáne orta bıznestiń úlesin arttyrý. Dúnıejúzilik banktiń málimdeýinshe, álemdik bıznestiń 90%-yn shaǵyn jáne orta bıznes ókilderi quraıdy. Qazaqstanda bul sala áli de damyp, qalyptasý ústinde.
Máselen, shaǵyn jáne orta kásipkerlik sektory qazir bizdiń eldegi jalpy ishki ónimniń 36,5 paıyzyn, al kórshiles О́zbekstanda 50 paıyzdan astamyn qurap otyr.
Degenmen elimizde shaǵyn jáne orta bıznesti qarjylandyrýǵa múmkindik mol. Bul rette kez kelgen qarjy ınstıtýty úshin klıenttiń tańdaýy men talǵamy mańyzdy. Buryn bıznesti qarjylandyrý ekinshi deńgeıli bankter men kvazımemlekettik sektordaǵy qarjy ınstıtýttarynyń enshisinde bolsa, búginde olardyń qatary shaǵyn qarjy uıymdarymen tolyqty.
Sarapshylar birer jyldan beri shaǵyn qarjy uıymdarynyń múmkindigine nazar aýdara bastady. Sebebi olardyń baǵytyn aýyl bıznesine burǵan utymdy. О́ıtkeni ekinshi deńgeıli bankterdiń aıaǵy jetpeı jatqan jerge shaǵyn qarjy uıymdary qol sozyp jatyr.
Táýelsiz qarjy sarapshysy Maqsat Halyqtyń aıtýynsha, qazirgi kezde bizdiń elde bıznes ashqysy keletin azamattarǵa múmkindik mol. Bul úshin quzyrly oryndarda tirkelip, bıznesin zańdy júrgizse boldy. Tipti jeke kásipkerlikti tirkeý avtomattandyrylǵan. Túrli esikti qaǵyp, tabaldyryq tozdyryp, esil ýaqytty qor qylyp júretin kez ótkenniń enshisinde qaldy. Zańdy tirkeýden ótip, zańnama aıasynda jumys istegen bıznes sýbektilerine qarjy ınstıtýttarynyń esigi ashyq.
Osy oraıda biz budan 5-6 jyl buryn KMF mıkroqarjy uıymynan nesıe alyp, bıznesin dóńgeletip otyrǵan Teńgegúl Ońǵarbaevany sózge tarttyq. Onyń alańy 45 sharshy metrdi quraıtyn burynǵy shaǵyn dúkeni qazir 450 sharshy metrlik saýda úıine aınalypty.
T.Ońǵarbaeva bizben áńgimesinde óz bıznesiniń tarıhy 1990 jyldardan bastalǵanyn aıtty. Ol keńes odaǵy kúırep, naryqqa betalys sezile bastaǵan kezde saýdaǵa bet burýǵa sheshim qabyldaǵan. Biraz jyl qara bazarda saýda jasady. Sodan jergilikti jerde jeke kásipker retinde tirkelip, azyq-túlik dúkenin ashýǵa sheshim qabyldady. «Alǵashqy birer jylda bankterden nesıe aldym, keıin qurbylarymnan KMF týraly estip, onyń ózim turǵan jerdegi fılıalyna bardym. Sharttary, qyzmetkerleriniń klıenttermen qarym-qatynasy kóńilden shyqty. Basty sharty – ondaǵy qyzmetkerler tek bıznesińdi qarjylandyrýmen shektelip qalmaıdy eken. Túrli deńgeıdegi bıznes-trenıngterge qatysqannan keıin «KMF-Dostar» dep atalatyn toptyq qarjylandyrýǵa qol jetkizdim. Bir kezdegi 45 sharshy metrlik saýda núktesi qazir 450 sharshy metrlik saýda úıine aınaldy, birneshe bólmeni jalǵa beremin. Munyń bárine zańnan attamaı, kásibimdi zańdy júrgizýdiń nátıjesinde qolym jetti, zańdy bızneske, rasynda da, múmkindik zor eken», deıdi T.Ońǵarbaeva.
Isker hanym bıznestiń tabıǵaty táýekeldi qup kóretinin de aıtyp qaldy. Al táýekelge sheshim qabyldaý úshin otbasylyq bıznes bolsa da, zańdy túrde tirkelý kerek.
Mıkroqarjylyq qyzmetti júzege asyrý quqyǵyn beretin QNRDA 26.02.2021 jylǵy №02.21.0003.M lısenzııasy